Gholfbaan is toe tot 15 Maart 2023
Gansbaai se gholfers het ‘n moeilike en frustrerende week agter die rug. Die geliefde baan is toe en die setperke vol gate gesteek!
Die baan-span noem dit hollowtyning, en sê dit is baie nodig vir ‘n pragtige baan. Maar die liewe mense kon maar net met kwylende monde staan en sug - en krag vra om deur die hele besigheid te kom.
Toemaar, manne en dames - op die 15de Maart kan julle weer die genot van ‘n pragtige groen baan geniet!
Ons hartlike dank aan Bev Swart, Welcome, Yotsi wat so hard werk aan hierdie pragtige stuk aarde. Julle is werklik die staatmakers van die klub.
Sien julle almal die 15de!
