Reformasie

In 2017 word daar wêreldwyd verskeie konferensies, feesvieringe en geleenthede gehou om die 500 jaar van die Reformasie te vier. Die feesvieringe herdenk die dag wat Martin Luther op 31 Oktober 1517 die 95 stellings teen die kerkdeur in Wittenberg vasgespyker het (alhoewel baie geleerdes erken hy het miskien eerder net ‘n brief geskryf) en ‘n kettingreaksie van hervorming en verandering teweeg gebring het. As ‘n Nederduitse Gereformeerde gemeente is ons wortels in die Reformasie geleë, ons wortel, waaruit ons eie Gereformeerde identiteit gegroei het. Ons gaan in aanloop tot die vieringe artikels op die webtuiste plaas waarin ons weer die verhaal besoek en nadink oor ons eie teologiese wortels en oortuigings.