Gesamentlike gebed het vir my groot waarde.
In hierdie stilword in die teenwoordigheid van die Here, saam met medebidders ervaar ek dit as ‘n kosbare geleentheid vir elkeen van ons om op ‘n ander manier, nader aan ons Hemelse Vader te kom met dit wat vir ons swaar op die hart lê. Ons lees immers in Sy Woord; waar twee of meer in My Naam vergader, daar is Ek. Asook; die gebed van gelowiges het groot krag. In Sy Woord openbaar God Sy wil vir ons, en deur saam te bid ver-klaar ons Sy wil in en oor situasies. Ek ervaar ons vertrou meer op Sy Woord vir antwoorde en om nie ons vertroue op mense te plaas. Hier hoor ons ook wat ons an-ders moet doen buite in die gemeenskap. Met ver-troue kom daar meer vrymoe-digheid en ‘n groter toegeneentheid ook tot me-kaar. Gebed het groot krag en soos gebede be-antwoord word ervaar ons blydskap, groter geloof en versekering van Sy liefde en wil vir ons lewens as bidders. Om te bid is ‘n genade gawe wat ontwikkel moet word, nagestreef moet word en gekoester moet word, daarom is die dissipline van gereelde bymekaar kom in gebed van groot waarde. Daar is ook ‘n besonderse belewenis dat ons gelei word deur die Heilige Gees vir dit waarvoor ons in die besonder moet bid, en ander kere weer is die sake van belang wat op ons gebedslys is. Om so met God in gesprek te gaan in hierdie saam wees met mede bidders is ‘n wonderlike belewenis! Aanbidding, stilwees, praat en bid is wat ek hier in die saamwees met ander geniet en dankbaar voor is. - Riana
