Verantwoordelik versus onverantwoordelik

Verantwoordelik versus onverantwoordelik

Gansbaai Courant

Gedurende al die onlangse betogings, stakings, afbranding en onverantwoordelike optredes, hetsy met of sonder goeie redes, het die 71-jarige Johannes Brett van Blompark gewys wat die teendeel van onverantwoordelikheid behoort te wees wanneer 'n mens met verantwoordelikheid gevul is.

Johannes Brett se motor wat agteruitgeloop het en byna deur 'n betonomheining in De Kelders gebars het.

Johannes het 'n tyd gelede iemand vir werk in De Kelders gaan aflaai. Sy motor het gestol en wou nie weer aan die gang kom nie. Hy het op sy eie probeer om dit teen 'n effense afdraende weer aan die gang te kry. Die motor het egter te vinnig vir hom begin loop en hy het homself byna beseer deur dit te probeer stop. Die gevolg was dat dit twee gedeeltes van 'n betonomheining disnis geloop het. Gelukkig was daar feitlik geen skade aan sy voertuig nie, maar die betonomheining is platgery. Dit was 'n groot skrik vir hom, terwyl hy hartprobleme het en ook nie geweet het hoe die eienaar teenoor hom gaan optree nie. Sy vrese oor die eienaar se optrede is besweer toe diè hom vriendelik groet en eers vra hoe voel hy en of hy seergekry het, alvorens daar na die skade gekyk is.

Lang storie kort: Johannes het summier aangebied om die heining te laat herstel en ook woord gehou deur toe te sien dat die heining reeds op dieselfde dag herstel word, met enkele afrondingswerk die volgende dag. Geen ontkenning, geen arrogante of onverskillige houding nie, geen leuens of valse beloftes nie, geen pogings om van sy verantwoordelikheid weg te vlug nie. Net eerlikheid, opregtheid en die hou by sy woord wat hy gegee het.

Johannes Brett en sy eggenote, Rigiena in hul huis in Blompark

Johannes is op 28 Januarie 1941 gebore en was oorspronklik in die landbou op 'n plaas naby Napier betrokke. Op 12 Desember 1959, reeds meer as 'n halfeeu gelede, tree hy met Rigiena (73) in die huwelik. (Vanjaar se huweliksherdenking dus op 12/12/12!). Sewe kinders is uit die huwelik gebore, waarvan sommiges bekendes in die omgewing is: Sammy, George, Elsa, Debora, Ritta, Lisbeth en Dina (oorlede). Die egpaar spog met 21 kleinkinders en 16 agterkleinkinders. Sowat 43 jaar gelede het die gesin na Gansbaai verhuis, waar Johannes vir 25 jaar as visserman op see gewerk het. "As gevolg van my hart het die dokters my laat aftree en is ek nou al vir jare 'n rustige pensioenaris, maar steeds aan die gang met allerlei dinge," vertel Johannes, 'n lewende definisie van verantwoordelikheid en opregtheid.
Hardus Botha

Verantwoordelik versus onverantwoordelik

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Marine Dynamics Receives Award at World Travel Market in London

Marine Dynamics Receives Award at World Travel Market in London

South Africa and Gansbaai remained in the spotlight at the World Travel Market London 2017.

November colour is green - #GansbaaiInColour

November colour is green - #GansbaaiInColour

Share your moment and win #GansbaaiInColour.

Bou aan vrede en versoening

Bou aan vrede en versoening

Almal is moeg vir geweld in ons land. Bid vir vrede

NG Kerk Gansbaai
Earning our colours, a quick guide to our age

Earning our colours, a quick guide to our age

This is a quick guide to assist you with African penguin age identification tips.

Flying High: Win a Vulture Experience for Two with De Hoop Collection!

Flying High: Win a Vulture Experience for Two with De Hoop Collection!

The Vulture Experience is the newest and most exciting addition to the already jam-packed activity list that the De Hoop Nature Reserve has to offer. De Hoop Collection is currently running a competition offering an educational and sought-after bi...

De Hoop Collection
New Beginnings

New Beginnings

Restoration of an eyesore into an innovative residence.

See All Articles