Gansbaai Primer se Nee vir Geweld

Gansbaai Primer se Nee vir Geweld

Gansbaai Courant

Maartmaand was 'n bedrywige maand vir Gansbaai Primêr se leerders en hulle stemme het ten hemele geskree: "Ons het genoeg gehad van geweld teenoor vroue en kinders!" Die maand is afgeskop met die maak van plakkate om uiting aan hulle gevoelens te gee.
Hulle het koerantuitknipsels oor geweld teenoor vroue, kinders en verkragtingsake bymekaargemaak sodat elke graad 'n collage daarvan kon maak. Dik, rooi kruise is daarna op die plakkate aangebring. Elke klas moes ook "in die geheim" hul eie en unieke slagspreuke en krete uitdink.

Op Vrydag, 15 Maart is 'n vuur in 'n drom in die straat voor die skoolgebou gemaak. Die leerders het in rye na buite gestap en stelling ingeneem, terwyl krete ge-uiter is. Die leiers van elke klas het om die beurt na die drom gestap om hul plakkate daarin te verbrand.

Enkele voorbeelde van slagspreuke het soos volg gelui: "Misdaad maak my siek"; "Een is te veel"; "Stop vrouemishandeling"; "Weg met geweld"; "Is jy man of is jy muis". Die leerders het ook 'n petisie voorberei wat deur sowat 500 van hulle onderteken is.
 

Die oorhandiging van 'n ondertekende petisie aan rdh Pieter Scholtz en Gansbaai se Verkeershoof, Tony Blakenberg (middel), met die skoolhoof, Tommy Volkwyn links

Op Maandag, 18 Maart is die petisie aan rdh Pieter Scholtz, Overstrandse Uitvoerende Onderburgemeester en Gansbaai se Verkeershoof, Tony Blakenberg oorhandig, asook later aan ander organisasies. Onder andere was rdl Moira Opperman, Jolandi Sauls (Ikamva), Jacoba Europa (Silwerjare Diens-sentrum) en Cathy Sauls (Vroue Netwerk) ook teenwoordig. Rdh Scholtz het onder andere gesê: "Net die feit dat daar enigsins van die gemeenskap optrede vereis word oor geweld teen vroue en kinders skree ten hemele!" Gedurende die maand het leerders ook toepaslike prente ingekleur, terwyl hulle ook deur verskeie gassprekers toegespreek is, onder andere deur Evangelis October.

Evangelis October, tydens sy praatjie aan die leerders

Die plegtige lees van die Belofte deur die leerders

Die hoogtepunt van die maand se aksie teen geweld was die treffende belofte wat hardop deur die leerders afgelê is: "Ek belowe…Om die Grondwet van die Republiek van Suid-Afrika te eerbiedig; Om die wette van die land te gehoorsaam; Om die regte van ander te respekteer, ongeag hul ras of geslag; Om niemand te verkrag of enige seksuele aanranding, misbruik of geweld te pleeg nie; Om enige vorm van verkeerde dade aan die polisie te rapporteer; Om my verantwoordelikhede, wat saam met regte kom, na te kom en om 'n goeie landsburger te wees."
    
Hardus Botha

Gansbaai Primer se Nee vir Geweld

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Fixed Term Contracts - Playing with Fire

Fixed Term Contracts - Playing with Fire

Fixed term contracts are often greatly misunderstood and employers should be cautious when using this form of contract for anything else than it's intended purpose.

Labour Direct
Hoe om die risiko van borskanker te halveer

Hoe om die risiko van borskanker te halveer

Statiene halveer die risiko van borskanker en verhoog oorlewingsvooruitsigte.

Gansbaai Pharmacy
Feedback stargazing evening (13/01/2018)

Feedback stargazing evening (13/01/2018)

The small amount of cloud as the Sun disappeared below the western horizon did not put a damper on the Club's first stargazing...

Blog Update - 11 January 2018

Blog Update - 11 January 2018

Another early launch for Slashfin and as we headed out to sea, excited for what the day may bring...

January colour is brown - #GansbaaiInColour

January colour is brown - #GansbaaiInColour

With a new month and year comes a exciting new colour for our Instagram competition - Brown.

DIY Handy Hints #05

DIY Handy Hints #05

Here's how to get rid of dents in your wooden furniture!

Gansbaai Build It
See All Articles