Gansbaai Skitter in VSA

Gansbaai Skitter in VSA

Gansbaai Courant

Gerrit (Janes) Cloete ná sy vierde plek in 'n Amerikaanse halfmarathon.

Gansbaai, internasionaal bekend vir die walvisse en haaie aan sy kus, het onlangs om 'n heel ander rede in die VSA nuus gemaak. Die dorp se naam pryk in die vierde plek van die uitslae in 'n groot halfmarathon in die Amerikaanse staat Texas.
Gerrit Cloete (28) het hierdie prestasie behaal toe hy saam met 150 atlete van 19 state deelgeneem het aan 'n veeleisende boswedloop (trail run) oor 21,1 km by die Texoma-meer op die grens van Texas en Oklahoma. Gerrit, alom bekend as Janes, werk as ingenieur op 'n eiland in die Persiese Golf, maar beskou Gansbaai as huis. Sy pa, Gerrit Snr., is 'n afgetrede koerantredakteur en woon op Franskraal. Janes het dus as Gansbaaier vir die byeenkoms ingeskryf toe hy tydens sy vakansie in die VSA daaraan deelgeneem het. 

Asof die roete nie genoeg uitdagings gestel het nie, was die temperatuur tydens die wedloop op vriespunt, iets heeltemal vreemd vir iemand wat gewoond aan die Arabiese hitte is. 'n Universiteitsvriend van Janes wat in New York woon en werk, Wouter Myburgh, het elfde geëindig.

Janes het as leerling aan Paul Roos-Gimnasium op Stellenbosch aan veldlope begin deelneem. Daarna het hy 'n Matie geword en padwedlope aangepak. Hy het verskeie kere die Twee Oseane-halfmarathon voltooi (met 'n beste tyd van 1:18:24) en onder meer 'n goue medalje in die Danger Point-halfmarathon op Gansbaai verwerf. Sedert hy in die Verenigde Arabiese Emirate werk, het hy al daar en in die VSA meegeding. Later vanjaar wil hy in Namibië en Kenia gaan hardloop.

Gerrit Snr. sê hy is trots op sy seun, maar persoonlik verkies hy fietsry bo draf, "want dis baie makliker om te sit en oefen".


Gansbaai se naam pryk in die uitslae van die wedloop in die VSA.

Gansbaai Skitter in VSA

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Marine Dynamics Receives Award at World Travel Market in London

Marine Dynamics Receives Award at World Travel Market in London

South Africa and Gansbaai remained in the spotlight at the World Travel Market London 2017.

November colour is green - #GansbaaiInColour

November colour is green - #GansbaaiInColour

Share your moment and win #GansbaaiInColour.

Bou aan vrede en versoening

Bou aan vrede en versoening

Almal is moeg vir geweld in ons land. Bid vir vrede

NG Kerk Gansbaai
Earning our colours, a quick guide to our age

Earning our colours, a quick guide to our age

This is a quick guide to assist you with African penguin age identification tips.

Flying High: Win a Vulture Experience for Two with De Hoop Collection!

Flying High: Win a Vulture Experience for Two with De Hoop Collection!

The Vulture Experience is the newest and most exciting addition to the already jam-packed activity list that the De Hoop Nature Reserve has to offer. De Hoop Collection is currently running a competition offering an educational and sought-after bi...

De Hoop Collection
New Beginnings

New Beginnings

Restoration of an eyesore into an innovative residence.

See All Articles