Motorfietsers se Oophand

Die motorfietsklub, Scatteredlinks, Overberg Chapter se Gansbaailede se keuse vir hulle jaarlikse skenkings aan liefdadigheidsorganisasies het vanjaar op Silwerjare Dienssentrum geval. "Dit is fondse wat tydens verlede jaar se 'sleep-over' by Die Stal geïn is, asook tydens ons worsbroodjiestalletjie voor Gansbaai OK Foods tydens die aanskakeling van 2012 se Kersliggies," vertel Pieter Maree, Voorsitter van die motorfietsklub. Hy sê hierdie twee geleenthede verlede jaar het die klub in staat gestel om R2,000 in Silwerjare Dienssentrum se kruideniersrekening by Gansbaai OK Foods, wat self ook 'n groot borg van die motorfietsklub is, in te betaal. "Met hierdie berig wil ons terselfdertyd ons dank aan alle donateurs vir hul getroue ondersteuning oordra," sê Pieter.

'n Deel van die Overstrand Scattered Links Motorfietsklublede tydens die oorhandiging van R2,000 vir kruideniersware aan aan Silwerjare Dienssentrum, met Moira Opperman en Jacoba Europa wat onderskeidelik links en regs elkeen op 'n motorfiets sit, met die tjek tussen hulle

Die motorfietsers doen graag die volgende bedankings (alfabeties) vir die "Sleep-over 2012": A Roux (Gansbaai Vismark), AJ Projects, Andrè (DJ), Attie & Trudie (Die Stal), Beetle & Bus, Bertus (Scrapmetal), Boetie Oubol, Brian Chambers, CC Bikes, Crazee Design & Printing, Dyer Island Cruises, Edelweiss Visserye, Francois du Toit (Sparky), Franskraal B&B, Gansbaai Cell & Sound, Gansbaai Kliniek, Gansbaai Marine, Gansbaai OK Foods, Gansbaai Verkeersafdeling, Gawie Krugel, Geldenhuys Bouers, Grootbos Natuurresservaat, Hermanus Liquor, J & A Sementwerke, JA Panelbeaters, Leon Carstens, Marine Dynamics, Overstrand Medical Response, Pizza World, Riaan (Stanford Towing), Secma International Security, Sportzone, Steven (Perlemoenplaas), Tap Huis, Two Oceans Films, Visions Beauty & Hair, Vleispaleis, Whale Sanctuary Lodge, White Shark Adventures en White Shark Ecoventures, asook alle vrywillige helpers wat hulle tyd opgeoffer het. Kennis kan nou reeds geneem word van hulle volgende groot fondsinsamelingsnaweek op 21 Spetember 2013. "Ons vertrou dat ons weer eens goed ondersteun sal word en selfs nog meer skenkings en donasies sal ontvang," sê Pieter.

Vir navrae rakende Gansbaai se Scatteredlinks, Overberg Chapter, kan Pieter Maree by 083-292-0190 geskakel word, of stuur 'n e-pos aan hom by scatteredlinks.overberg@gmail.com.

Hardus Botha