Daar word met jou kop gesmokkel

Daar word met jou kop gesmokkel

Gansbaai Courant

Wanneer die vis nie byt nie is daar gewoonlik logiese redes voor, bv. --  òf die water het as gevolg van die weer so verander dat die temperatuur so koud is dat geen vis in aas belang sal stel nie, òf die watertemperatuur is veels te warm sodat jy ook droëbek gaan sit. Jy sal natuurlik in gedagte hou dat kreef koue water verkies, terwyl as jy hotties jag warm weer die in-ding sal wees. Kabeljou is weer nie so vol nonsens nie, maar te koud sal ook ‘n probleem wees. Sterk strome? Haai se kos! Indien die water nie kleur het nie sal dit maar sukkel om ‘n kabeljou aan te keer terwyl geelbek normaalweg hulle opwagting maak na baie kwaai weer en terwyl die water nog omgekrap is. Galjoen verkies weer skuimerige water met bietjie kleur.

So kan mens aangaan en van die bogenoemde stellings gebruik om die omstandighede te ontleed wanneer jy see toe gaan. Die persoon wat ‘n onfeilbare formule prakseer en daardeur kan bepaal wanneer die vis gaan byt, gaan baie, baie geld maak. Die punt is dat, hoewel jy nie altyd kan seker wees wanneer die vis gaan byt, en wanneer nie, behoort die omstandighede van so ‘n aard te wees dat jy darem ‘n oordeel kan vorm wanneer dit gunstig is. Deesdae is dit nie so eenvoudig nie. Verskeie faktore laat twyfel of jou oordeel nog van waarde kan wees. Dit is so dat die wind normaalweg ‘n goeie aanduiding is oor wat die toestand van die see behoort te wees. Is dit nog so? ‘n Suidweswind behoort die see om te krap.  Met ‘n ligte suidoos behoort daar kalmte te wees. Jy kan nie meer daarop staatmaak nie.

Daar is ook ander vreemde verskynsels. Dit is asof jy jou vinger nie behoorlik daarop kan lê nie. Wanneer jy anker gooi en jou boot kan nie rigting vind nie en jou ankertou lê dan hier, dan daar en vind op die ou einde sy eie plek, is dit nie alledaags nie.  Dit is so dat windrigtings en strome hulle effek sal hê, maar ook met dit in gedagte, pla dit. Normaalweg wanneer ‘n haai opdaag waar jy op anker lê, sal die vis vir ‘n wyle padgee om dan later weer te begin byt. Maar wanneer die spul wild aan die byt gaan en jy omtrent enigiets so saam-saam vang, is daar ‘n haas iewers dood. Ken jy die see is daar ook ander verskynsels wat nie normaal voorkom nie. Selfs die seevoëls se gedrag is eienaardig. Is dit nie ook so dat die getye soms vreemd voorkom nie? Springgety is lankal verby dan is dit asof die water baie laer en ook hoër is as wat dit moet wees.

Daar is tog mense wat my siening deel en dit dan toeskryf aan veranderende tye en weerstoestande. Ander meen, “so is dit maar”. Nou ja, dan is dit maar so!

Vir die stokmanne  --  Die Damme het heelwat galjoen en krakers opgelewer. Die bootmanne weer, vaar heel goed naby die Birkenhead met mooi silwervis, roman en hotties. Daar het selfs ‘n baie mooi makriel kom hallo sê!

Geniet die see.
Groete, Seemeeu

Daar word met jou kop gesmokkel

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Wake Up and Build It

Wake Up and Build It

Stop dreaming. Wake up and Build it.

Gansbaai Build It
Zeeman Bruilof

Zeeman Bruilof

Welkom by die Bruilof fees van die Zeeman’s

The Secret Shark Wedding

The Secret Shark Wedding

The secret wedding at sea.  Jonathon asked Masha for her hand in marriage and as soon as she accepted, she was to be married. 

BREAKING NEWS

BREAKING NEWS

The Art of Creativity Studio is now ONLINE.

Marine Dynamics Receives Award at World Travel Market in London

Marine Dynamics Receives Award at World Travel Market in London

South Africa and Gansbaai remained in the spotlight at the World Travel Market London 2017.

November colour is green - #GansbaaiInColour

November colour is green - #GansbaaiInColour

Share your moment and win #GansbaaiInColour.

See All Articles