Kadette vir Hengelopleiding gekeur

Kadette vir Hengelopleiding gekeur

Gansbaai Courant

Die groep opgewonde kandidate, waarvan 6 gekeur moes word, vir die Birkenhead Boothengelklub se hengelkursus, met Phillip Fourie links en Raymond Rabe regs

"Die Birkenhead Boothengelklub was een van die gekose instansies wat, na 'n deeglike en professionele voorlegging aan die Overstrand Munisipaliteit, daarin kon slaag om fondse as deel van die Munisipaliteit se "Grant-in-Aid" program vir 2012/2013 te ontvang," vertel Phillip Fourie, ondervoorsitter van die klub. Hierdie fondse word deur die bootklub vir teoretiese- en praktiese opleiding aangewend om skoliere tussen die ouderdom van 13 en 18 jaar gratis in die vaardighede van boothengel op te lei. Phillip sê behalwe vir die praktiese opleiding van 'n dag of wat op 'n boot ter see, behels die opleidingsprogram verskeie breër aspekte wat onder andere die volgende insluit: veiligheid op see en land, bewusmaking van die kwesbaarheid van die natuur en in besonder die see, identifisering van visspesies, kennis van grootte en hoeveelheid vis wat gevang mag word, die hantering van 'n brand, basiese noodhulp en vele ander aspekte. "Die program konsentreer ook op gedraglewensvaardighede van aspirant vissermanne op land en op see."

Die klubbestuur bedank ook graag die Westelike Provinsie Diepsee Hengelvereniging (WPDSAA) vir hul ondersteuning in die verskaffing van opleidingsmateriaal. Nadat 'n advertensie in Gansbaai Courant geplaas is, het 15 opgewonde kandidate op Saterdag, 18 Mei 2013 vir die keuringsproses by die klubhuis opgedaag. As gevolg van beperkte fondse en die hoë kostes verbonde aan die gratis opleiding, kon slegs 6 kandidate vir die kursus gekeur word. Phillip en die klub se voorsitter, Raymond Rabe, het die aanwesiges hulle eerste "natuurlesse" laat ervaar en 'n kort toetsie oor praktiese sake rakende windrigtings, son opkoms- en ondergang, die "port" en "starboard" kante van 'n boot, laat skryf. Dit, asook algemene vrae en evaluering, het die opleiers in staat gestel om die 6 gelukkige kandidate te kies. Hulle is Banele Mlimisi (Masakhane Primêr), Dewald Bantom (Gansbaai Academia), Kevin Rutzen (Laerskool Okkie Smuts), Robert Brown (Laerskool Gansbaai), Roberto-Baso Lottering (Gansbaai Academia) en Ronold Mapukatha (Masakhane Primêr). Hierdie kadette sal nou oor die volgende 4 Saterdae deeglik in die basiese kuns van hengelprosedures opleiding ontvang.

Hardus Botha
 

Kadette vir Hengelopleiding gekeur

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Marine Big 5 Tours  - 18 January 2018

Marine Big 5 Tours - 18 January 2018

We had two trips out today, one in the late morning on our smaller vessel Whale Whisperer, and second on Dream Catcher...

Fixed Term Contracts - Playing with Fire

Fixed Term Contracts - Playing with Fire

Fixed term contracts are often greatly misunderstood and employers should be cautious when using this form of contract for anything else than it's intended purpose.

Labour Direct
Hoe om die risiko van borskanker te halveer

Hoe om die risiko van borskanker te halveer

Statiene halveer die risiko van borskanker en verhoog oorlewingsvooruitsigte.

Gansbaai Pharmacy
Feedback stargazing evening (13/01/2018)

Feedback stargazing evening (13/01/2018)

The small amount of cloud as the Sun disappeared below the western horizon did not put a damper on the Club's first stargazing...

Blog Update - 11 January 2018

Blog Update - 11 January 2018

Another early launch for Slashfin and as we headed out to sea, excited for what the day may bring...

January colour is brown - #GansbaaiInColour

January colour is brown - #GansbaaiInColour

With a new month and year comes a exciting new colour for our Instagram competition - Brown.

See All Articles