Links is Wesley van der Poel en regs is Warren Hardenberg saam met die volwasse- en kinderkoorlede tydens die Nuwe Apostoliese Kerk se Pinkstervoorbereidingsdiens
"Ons het verlede Saterdagaand 'n warm en spesiale Pinkstervoorbereiding tydens ons Erediens ervaar," vertel Warren Hardenberg, Distriksleier van die Nuwe Apostoliese Kerk in Gansbaai. Die aand is as 'n musiekaand saam met gemeentelede en vriende aangebied. Sangitems is gesamentlik deur die Sondagskoolkinders en die Kerkkoor onder leiding van hulle koorleier, Wesley van der Poel, aangebied.
Die pragtige gesamentlike sang het gewyde luisterrykheid aan die verrigtinge verleen. "Wat dié dag nog meer spesiaal gemaak het, is die feit dat dit wêreldwyd die 150ste herdenking van ons Kerk was en dat die nuwe leier ook op daardie dag gekies en aangewys is," vertel Wesley. Hy sê sowat 11 miljoen mense het wêreldwyd na die uitsending van 'n diens en seremonie in Hamburg, Duitsland gekyk.
Hardus Botha
