Aire del Mar is tops

Die trotse eienaar en personeel van Air Del Mar wat 'n sertifikaat van TripAdvisor vir uitstaande diens ontvang het, met vlnr Roelof Diener (Eienaar), Annette Steenkamp, Ria Strydom, Anita Bruce en Nella Immelman

"Hierdie besonderse toekenning wat ons ontvang het, is die resultaat van 10 jaar se harde werk en toegewyde dienslewering deur die eienaars en personeel van Aire del Mar Gastehuis en ons is baie trots daarop," skryf Ria Strydom, Bestuurder van die gastehuis. Aire del Mar Gastehuis in Kleinbaai is onlangs met TripAdvisor se gewilde Certificate of Excellence vir 2013 vereer.

"Ek is saam met my personeel baie dankbaar vir hierdie prestasie wat behaal is en sien daarna uit om steeds uitstekende dienste aan ons gewaardeerde gaste te lewer, sonder wie se ondersteuning en terugvoering hierdie sertifikaat nie moontlik sou wees nie," sê Roelof Diener, mede-eienaar saam met sy eggenote, Ina, van Aire del Mar. Die res van die trotse personeellede is Annette Steenkamp (gasvrou), Anita Bruce (assistent), Nella Immelman (huismatrone) en Susan Trichardt (gasvrou), wat afwesig was tydens die neem van die foto. Die gastehuis is vanjaar in hulle 11de bestaansjaar, met Roelof en Ina wat dit self van die grond af opgebou het tot die gastehuis wat dit vandag is. Al gewonder oor die naam, "Aire del Mar"? Dit is 'n Spaanse naam en beteken "seebries" of "wind van die see", en Ria sê dié naam is veral van toepassing wanneer die suid-oos daar op die voordeur waai!

Soos gebruiklik lui die bekendmaking van die wenner soos volg: "TripAdvisor is delighted to recognise Aire del Mar Guest House with a 2013 Certificate of Excellence. This prestigious award, which places you in the top-performing 10% of all businesses worldwide on TripAdvisor, is given to businesses that consistently earn high ratings from TripAdvisor travelers. To qualify for a Certificate of Excellence, businesses must maintain an overall rating of four or higher, out of a possible five, as reviewed by travelers on TripAdvisor." Voorwaar 'n pragtige prestasie, met Gansbaai wat al bekend geraak het met etlike sodanige sertifikate wat in die verlede al deur TripAdvisor toegeken is.

Aire del Mar se Webtuiste is www.airedelmar.co.za en hulle kan by 028-384-2848 gekontak word, of stuur 'n e-pos aan info@airedelmar.co.za.     
                                 
Hardus Botha