Die 2.93kg Rooi Roman wat Bev Swart (inlas) agter die Buitesteen uitgetrek het
Bev Swart het 'n dag voor die Birkenhead Boothengelklub se hengelkompetisie 'n "rekord" van 'n Rooi Roman boot-in getrek. Bev, 'n lid van die boothengelklub, het op Vrydag, 31 Mei 2013 om ± 11:30 net agter die Buitesteen sy lyn in die water gegooi en die bielie het die skaal se naald op 2.93kg laat stilstaan. Die klubrekord vir die Birkenhead Boothengel vir 'n Rooi Roman staan sedert 2011 op 2.85kg, wat deur Johan Burmeister opgestel is. Jammer vir die dag voor die tyd, Bev, anders was jy die nuwe rekordhouer van die klub gewees! Saterdag se boothengelkompetisie is omver gegooi met erg-weerstoestande, maar die aandfunksie is heel gesellig aangebied, ondanks min mense wat dit as gevolg van die naweek se weer bygewoon het…mense het verkies om die aandjie droog en warm in hul huise deur te bring.
H Botha
