Riebeek Kasteel se Wyne

Riebeek Kasteel se Wyne

Gansbaai Courant

Riebeek Kasteel se wyne in Tolbos Bistro, met voor vlnr Helmie de Vries, Annemarie Watney, Wayne Devitt, Alta Saayman, Diane Roodman, Eric Saayman en Louise de Villiers. Agter vlnr is Andrè de Villiers en Theuns Roodman.  (Foto: Jane Bailey)

Gansbaai Wynproegilde se maandelikse wynproe-aand is deur 30 lede en 10 gaste bygewoon en Tolbos Bistro van Annemarie Watney is behoorlik toegepak. Voorsitter Helmie de Vries het die nodige sakies afgehandel en Riebeek Cellars se Eric Saayman (Senior Wynmaker) aan die woord gestel. Eric is deur sy eggenote, Alta vergesel. Die wynkelder is in 1941 gestig, maar tradisie-gewys strek hulle sover as 350 jaar terug. ‘n Nederlandse ontdekkingsreisiger, Pieter Cruythoff het Riebeek Kasteel in 1661 tot eer van Jan van Riebeeck gestig het, maar die Franse Hugenote het reeds gedurende 1868 met Franse wynmaaktegnieke daar begin wynmaak. “Die Swartland se wyne is net so hartlik soos sy mense,” het Eric gesê. Die 6 uitstaande wyne wat geproe en beoordeel is, is Pieter Cruythoff Brut (Vonkelwyn) as verwelkoming aan die gaste; die Riebeek Chenin Blanc (2013) en die Kasteelberg Viognier (2011) saam met die voorgereg; die Riebeek Merlot (2012) en A Few Good Men Cabernet Sauvignon (2011) saam met die hoofgereg; die heerlike Kasteelberg Soet Steen saam met die nagereg.

Die lede en gaste se toekennings was deurgaans goud en sterk silwer. Die Kasteelberg Viognier is as baie spesiaal uitgesonder en spog ook met die gesogte Generaal Smuts Trofee vir 2011 tydens die Suid-Afrikaanse Nasionale Jongwynskou op Lambertsbaai. “Behalwe vir ons gebruiklike oorhandiging van blyke van waardering, is hier twee bottels goeie rooiwyn wat ek besluit het nie opgeveil gaan word nie. Ek oorhandig dit graag aan Hardus Botha vir sy werk agter die skerms vir Gansbaai Wynproegilde,” het Helmie die joernalis verras.

Wayne Devitt van Tolbos Bistro het homself soos gewoonlik oortref met ‘n gepaste spyskaart ter aanvulling van die wynproe. Dit was ‘n Mini Bunni Chaw met hoenderlewertjies as voorgereg, met tuisgemaakte bief- & bierpastei met smaaklike bykomstighede en ‘n Roly Poly met vla as nagereg. Die volgende wynproe sal op Vrydag, 28 Junie plaasvind.

Vir enige navrae rakende die gewilde Gansbaai Wynproegilde kan voorsitter Helmie de Vries by 028-388-0708 of 082-577-6920 geskakel word, of stuur ‘n e-pos aan hom by info@franskraalbandb.co.za.                          
Hardus Botha

 

Riebeek Kasteel se Wyne

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Fixed Term Contracts - Playing with Fire

Fixed Term Contracts - Playing with Fire

Fixed term contracts are often greatly misunderstood and employers should be cautious when using this form of contract for anything else than it's intended purpose.

Labour Direct
Hoe om die risiko van borskanker te halveer

Hoe om die risiko van borskanker te halveer

Statiene halveer die risiko van borskanker en verhoog oorlewingsvooruitsigte.

Gansbaai Pharmacy
Feedback stargazing evening (13/01/2018)

Feedback stargazing evening (13/01/2018)

The small amount of cloud as the Sun disappeared below the western horizon did not put a damper on the Club's first stargazing...

Blog Update - 11 January 2018

Blog Update - 11 January 2018

Another early launch for Slashfin and as we headed out to sea, excited for what the day may bring...

January colour is brown - #GansbaaiInColour

January colour is brown - #GansbaaiInColour

With a new month and year comes a exciting new colour for our Instagram competition - Brown.

DIY Handy Hints #05

DIY Handy Hints #05

Here's how to get rid of dents in your wooden furniture!

Gansbaai Build It
See All Articles