Gansbaai SAPD se dames het as hulle Stasieprojek besluit om die polisiemanne met ‘n Vadersdaguitstappie te bederf. Die manne wat op Vrydag, 14 Junie aan diens was en beskikbaar was, is na die Woekermark in die Pretoriussaal vir koek en tee geneem. “Die bedoeling was om hulle met ‘n soetigheidjie vir Vadersdag te bederf,” sê sers Adele Visser van Gansbaai SAPD. Sy sê almal kon ongelukkig nie daar wees nie, aangesien hulle na ander plekke uitgeroep was, terwyl andere nie aan diens was nie, maar dié van hulle wat wel daar was, het die besonderse Vadersdagbederf terdeë geniet. Fotograaf: Sers Adele Visser.
Hardus Botha
