Vlnr agter: Laetitia de Klerk, Susan Davis, Suanne Hugo, Melanie Smit, Jackie Burger, Andrea Havenga en Sharon van Minnen.
Vlnr voor: Fernando (ref), Adele Venter (kaptein), Morne van den Berg (bestuurder) Tanya Smit, Suzette Brandt en Juan Havenga (ref)
Gedurende die pas afgelope SA Ope Dames Potspel Kampioenskappe het die Overberg sone vir die eerste keer sedert die toernooi 23 jaar gelede ‘n aanvang geneem het , hul eie damesspan ingeskryf. Wat merkwaardig was, is dat al die dames wat onder die vandel van Western Province Country Region speel , van Gansbaai afkomstig is. Dit is ‘n groot prestasie. Die span het 13de geëindig maar daar moet in ag geneem word dat daar teen al die provinsies deelgeneem was, asook dat dit die span se eerste SA Ope Kompetisie was. Spesiale melding moet gemaak word van Susan Davis wat uit 264 spelers in die halfeindstryd in die enkelspel afdeling uitgeval het. Dit maak haar tans die nommer 4 gekeurde damesspeler in die land. Baie geluk ook aan Sharon van Minnen wat 15de in die spankompetisie uit 158 dames geëindig het.
Baie dankie aan al die borge naamlik Steven Chambers, Gansbaai Superspar , Liquor Land (Johan Bester), Distell en alle bydraes van kliënte en vriende. Daar word beoog om volgende jaar weer ‘n damesspan te stuur en alle belangstelledes kan Adele by 072 101 3877 kontak.
