Voor vlnr is Sylva van Zyl (90) en Elsie Taljaard (90), met Bets van die Merwe (87) agter hulle tydens verjaardagvieringe wat die Gansbaai Seniorklub gereël is. Inlas: Wyle Nan Buys
Lede van Gansbaai Seniorklub het, onder leiding van Angela Caie, ‘n heerlike geselligheid vir twee 90-jariges in Gansbaai Lionsklub se saal gereël. Die twee belangrike gaste vir wie die geselligheid spesiaal gereël is, is Elsie Taljaard en Sylva van Zyl. (Berig op bl 6). Die derde vriendin, Bets van der Merwe wat jaarliks haar verjaardag saam met Sylva vier, is kort op dié twee se hakke met haar 87ste verjaardag wat sy die voorafgaande week gevier het. Sy het ook die geselligheid saam met die 90-jariges bygewoon. Bets is op 14 Junie 1926 in Edenburg, Vrystaat gebore. Sy het in Lusikisiki in die Transkei grootgeword en is later na Stellenbosch. Bets is reeds vir die afgelope 22 jaar ‘n Gansbaaier en het 3 kinders en 7 kleinkinders. Nog ‘n verjaardagvriendin van Bets en Sylva wat sedert 2009 nie meer die jaarlikse gesamentlike verjaardagvieringe bywoon nie, is wyle Nan Buys wat in 2009 in die ouderdom van 83 oorlede is en was ten tye van haar afsterwe vir 24 jaar ‘n Gansbaaier. Hierdie drie het jaarliks hul verjaardae gelyktydig gedurende Juniemaande gevier.
Hardus Botha
