Universals ontvang rugbyballe


Universals Voetbalklub in Stanford ontvang rugbyballe, met vlnr Johannes Oktober, Charl Henn (borg), Cornelius Booysen, Israel Spandiel en Wayne Theron (borg)

Die Universals Voetbalklub van Stanford het op 19 Junie Gilbert-rugbyballe vanaf En Route Insleepdienste ontvang. “Ons wil Jaco Truter en sy span graag vir hulle bydrae tot die klub van harte bedank,” sê Graig Niemand van die klub. “Voorspoed word aan En Route Insleepdienste met hulle puik diens wat hulle aan die gemeenskap lewer, toegewens.” Die rugbyballe is deur Charl Henn en Wayne Theron van En Route Insleepdienste oorhandig, met Cornelius Booysen (voorsitter), Johannes Oktober (sekretaris) en Israel Spandiel (kassier) wat dit namens Universals Voetbalklub in ontvangs geneem het.

Die klub is reeds in 1899 gestig en sal hierdie jaar hulle 114ste bestaansjaar vier. Hulle speel in die Bolandse 1ste Liga, asook die Middellande-Liga wat uit 10 spanne bestaan. Tans is daar twee volledige spanne in die klub en hulle oefentye is Dinsdae, Woensdae en Donderdae vanaf 18:00. Belangstellendes, ook ten opsigte van borgskappe, kan die voorsitter, Cornelius Booysen by 078-961-7792 skakel.

Hardus Botha