Petrus du Preez, ds Stoney Coetzee en ds Dirk van Dyk
Die sykant van Pearly Beach NG-Kerk waar die saalgedeelte aangebou is
“Ek sien die 10-jarige bestaan en die gebou van Pearly Beach NG-gemeente as deel van God se Genade,” het ds Dirk van Dyk, NG-leraar tydens Pearly Beach NG-gemeente se 10de verjaardagvieringe gesê. “Ek hou Fil 1:3-6 aan julle voor: Ek (ons) dank my (ons) God elke maal as ek (ons) aan julle dink…!”
Alta van Niekerk, Vrouediens Streeksleier, sny die 10de verjaardagkoek van Pearly Beach NG-gemeente
Ds van Dyk, wat met verlof is, het die verrigtinge bygewoon en boodskappe van gelukwense namens die NG-Moedergemeente in Gansbaai en Baardskeerdersbos aan die gemeente oorgedra. Die Leierouderling, Petrus du Preez het die gemeentelede verwelkom en na die gemeente as “meelewend” vir die afgelope 10 jaar verwys. Ds Stoney Coetzee het die Erediens waargeneem en sy boodskap op Matt 3 baseer. “Ons nie slegs vir verjaardagvieringe hier bymekaar nie, maar in die eerste plek met die Evangelie-boodskap - Dra die vrugte van die Gees, want ‘n boom word aan sy vrugte geken. Die dra van goeie vrugte is ‘n teken van ‘n nuwe lewe wat met vreugde in Christus gevul is.” Die NG-Kerkkoor onder leiding van Aletta Lochner en met orrelbegeleiding deur Annelene Reinke, het die bekende “Battle Hymn” gesing. Gedurende 1991 is daar met 1 Erediens per maand begin, wat later na 2 vermeerder is. Die gemeente het deurgaans vooruit beweeg en op 14 Junie 2003 is die nuwe kerk(saal) ingewy. Ds Willie Kotze het destyds die volgende gesê: “Die eerste setlaars wat in ±1675 hier verbygetrek het, het saans om hul kampvuur huisgodsdiens gehou en later het die boere van die omgewing onder die melkhout-bome uitgekamp en saans saam aanbid en gesing.
Die NG-kerkkoor op hul stukke met die “Battle Hymn”
” Na afloop van die seremoniële deel van die byeenkoms, het Alta van Niekerk, Vrouediens Streeksleier, die 10-jarige Verjaardagkoek gesny, waarna gemeentelede en gaste gesellig met verversings saamgekuier het.
Hardus Botha
Gesellige oomblikke in die nuut-aangeboude saal van Pearly Beach NG-gemeente
