Die wenspan in die Gansbaai Superspar Sokkertoernooi in hulle Superspartruie, die OC Eleven's, met voor vlnr L Nqoza, J Phahla, S Jinoyi, (Gansbaai Superspar Trofee), A Patho (kaptein), S Mdliwa en S Mgodo. Agter vlnr is M Nogaga, M Zono, B Sogqwaba (afrigter), S Patho, N Nogemana, E Somishi, M Nonkanzela, W Cindi (organiseerder), B Mbuzeni en De Wet van Niekerk (Gansbaai Superspar).
Dertien Sokkerspanne vanuit die geledere van die laer divisie, het mekaar gedurende die afgelope maand behoorlik opgekeil om as oorwinnaars in die Gansbaai Superspar Sokkertoernooi uit die stryd te tree. Vir die wenspan was die gesogte Superspar Trofee, asook volledige sokkeruitrusting, op die spel. Die 2de en 3de plekke is met kontantpryse beloon. “Die gemeenskap van Masakhane, asook die spelers, was oorweldig met wat mnr De Wet van Niekerk van Gansbaai Superspar vir hulle gedoen het en hulle het gesê hulle kan van pure vreugde uit hulle velle uit spring,” vertel Riana Enslin. Mnr Sogqwaba, afrigter van die OC Eleven's wat die wenspan was, het gesê hulle is dankbaar vir die vlot reëlings van die toernooi, insluitend die pryse wat aangebied is. Op Woensdag, 3 Julie 2013 het die OC Eleven's ‘n vriendskaplike sokkerwedstryd op Gansbaai Gemeenskaplike Sportgronde gespeel “net om hulle nuwe Superspartruie in te wy”. Sogqwaba het afgesluit met: “Thank you my Spar!”
Hardus Botha
