R43 Padgebruikers Kla: Padmakers Moet Spoed Verminder
Een so 'n padgebruiker, Deon Oliver het aan Gansbaai Courant gesê: "My versamelmotor se spieel is morsaf". Deon 'n inwoner van Perlemoenbaai is baie hartseer oor die skade aan sy antieke 1975 Datsun 1200. In sy geval het 'n aankomende vragmotor 'n klip opgeskiet wat die spieel getref en dit morsaf gebreek het. So 'n spieel is natuurlik nie maklik bekombaar nie.
Sy seun, Llewellyn, deesdae 'n predikant op Uitenhage, was sowat 'n jaar gelede op pad terug Lesotho toe, waar hy by 'n kinderhuis betrokke was, toe 'n opslaanklip die motor se voorruit flenters geslaan het. Dit het op min of meer dieselfde plek gebeur as waar sy pa se motor beskadig is. Hy het die skade by die eerste STOP/RY punt aangemeld en verderaan ook een van die trokdrywers laat stilhou om te wys wat gebeur het. Hy moes by sy bestemming uitkom en aangesien sy buitelandse versekering nie die skade gedek het nie, was hy genoodsaak om sonder 'n voorruit tot in Maputo te ry. Na oproepe en korres pondensie het die kontrakteursfirma, BopCons Umla zi Joint Venture UV) hom verwittig dat hulle geen verantwoordelikheid vir die skade neem nie.
Almari Laubscher, die eienaar van 'n Mercedes Benz SLK, was vanaf De Kelders op pad dorp toe, toe sy vir 'n aankomende voertuig moes uitswaai. "Die pad is baie nou en die kant van die pad het my wiel gegryp" en dit oor klippe en bourommel laat beland. Die verkoeler is beskadig en die buffer moet vervang word. Die skade beloop meer as R49 000. Haar motor moes opgelaai word en staan tans in die Kaap vir reparasiewerk. Sy het 'n saak by die polisie aanhangig gemaak.
Die eienaar van TMS Bauers, Manny de Bruyn se Ford Mustang-band is op die rand van die pad gesny. Dit is teen R7000 vervang. 'n lnsleepmaatskappy wat die pad byna daagliks gebruik, moes reeds vier windskerms vervang weens opskietklippe deur verbygaande voertuie. Volgens 'n woordvoerder by die maatskappy vind die meeste ongelukke in die nag plaas. Die hoofoorsaak daarvan is meestal spoedoortredings en alkoholmisbruik.
Volgens 'n woordvoerder van BopCons Umzali JV is die padwydte van 3m tot 3.1m honderd present wet tig en is daar 'n goeie rede waarom die spoedgrens op 60km/u bepaal is. Spoedradars is aangebring om motoriste bewus te maak daarvan wanneer hulle die spoedgrens oortree.
Spoedlesings van 200km/u is al op die skerms in hul kantoor gelees. Die meerderheid van motoriste handhaaf nie die spoedgrens nie en veroorsaak naelbytoomblikke op die roete. Teen 60km/u en handhawing van wetlike afstande tussen voertuie, behoort opskietklippe normaalweg nie skade aan te rig nie.
