Gansies Blink by MOJA Skaak Extravaganza
Op Saterdag 25 April en Sondag 26 April 2026 het ses skaak-Gansies aan die MOJA Chess Extravaganza deelgeneem. Hierdie internasionale kompetisie het van die land se beste spelers gelok, onder andere Jan Karsten, Suid-Afrika se nommer een speler, asook Anzel Laubscher, die land se nommer een vrouespeler. Die toernooi het by die Bellville Velodrome plaasgevind.
Ons Gansies het teen strawwe kompetisie te staan gekom, maar hulle uitstekend van hul taak gekwyt en hul man gestaan. Hulle het waardevolle ondervinding opgedoen en goeie geleenthede gekry om hul vaardighede verder te ontwikkel. Hierdie kompetisie dien as uitstekende voorbereiding vir die Wes-Kaap skaakproewe wat middel Mei plaasvind.
Die volgende Gansies het deelgeneem:
o.12 - Hanro Coetzer
o.10 - Isabelle de Villiers, Janli Marais, Rossouw Coetzer, Lihan Lourens
o.8 - Leroux Coetzer
Ons is ongelooflik trots op elkeen van julle wat die Gansie-naam op hierdie hoë vlak met trots uitdra.
