Komposisie Kunstenaars en Fotograwe

Komposisie Kunstenaars en Fotograwe

Gansbaai Courant

Die alombekende kunstenaar en beeldhouer van Baarskeerdersbos, Niël Jonker, het tydens Gansbaai Fotografieklub se byeenkoms op Maandag, 2 Junie 2014 vir ‘n interessante aanbieding binne klubgeledere gesorg. Niël het die begrip “komposisie” (ordening van losstaande dele tot ‘n eenheid) vanuit ‘n skilder se perspektief teenoor die fotograaf se perspektief verduidelik en gedemonstreer.

“Die ooreenkoms tussen komposisie vir die kunstenaar en dié van ‘n fotograaf, is merkwaardig,” het Niël gesê. “As voorbeeld kan ek noem dat, wanneer ek iets oor skilder wil leer, besoek ek die biblioteek se fotografie-afdeling.” Niël vertel dat hy altyd buite in die opelug skilder en, ongeag weersomstandighede, nooit terugkeer voordat hy nie sy doelwit bereik het nie, selfs al sit hy in sy voertuig en skilder. Niël het foto’s van etlike van sy uitstaande skilderye vertoon en telkens op die komposisie wat daarin opgesluit lê, met foto’s van fotograwe vergelyk.

“Dit is moeilik om komposisie te verwoord, maar dit kom neer op die verhouding tussen die kunstenaar of fotograaf met sy onmiddelike omgewing,” het hy gesê. ‘n Sketsboek is vir hom van onskatbare waarde en hy maak eers sketse in verskillende stadiums - vanaf die raamwerk tot by die “een derde reël” van die toneel wat hy wil skilder. Niël se bekendheid is verweef in landskap-, stillewe- en figuurlike/beeldende skilderye, asook in beeldhouwerke. Dan bied hy ook broodmaak-werkswinkels aan. Die klublede was dit eens dat dit ‘n leersame aanbieding was en dat ‘n projek-besoek aan Baardskeerdersbos se pragtige omgewing, asook die B’Bos Kunsroete, ‘n goeie uitdaging vir die toekoms is.

Niël kan by 082-651-7414 gekontak word, of stuur ‘n e-pos aan info@nieljonker.co.za of besoek sy webtuiste by www.nieljonker.co.za. Die klub se volgende byeenkoms is ‘n sosiale byeenkoms om 18:15 vir 18:30 (wintermaande) op 16 Junie waartydens die kompetisiewenners aangewys sal word en hul pryse oorhandig sal word.

Vir navrae rakende Gansbaai Fotografieklub kan Christo Wessels by 082-920-9738 of Linda Kloppers by 082-550-7313 geskakel word.

Hardus Botha

Christo Wessels, Niël Jonker, Clive Bailey en Marc du Plessis na afloop van Niël se aanbieding

Komposisie Kunstenaars en Fotograwe

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Holiday Operating Hours

Holiday Operating Hours

Our operating hours from 15 December 2017 until 7 January 2018. 

Lemos Laundry
The Nokia 3310 now in stock!

The Nokia 3310 now in stock!

Now in stock!! R900.

Overcell
Summertime... And The Living Is Easy!

Summertime... And The Living Is Easy!

As the year draws to a close, we at the Gansbaai Tourism Bureau would like to take this opportunity to thank visitors and locals...

December 2017 SUMMER EVENTS!!!!

December 2017 SUMMER EVENTS!!!!

DECEMBER 2017 SUMMER EVENTS!!

Johnny's the Party Pub
Property for sale in Kleinbaai

Property for sale in Kleinbaai

Family home in lush green surroundings for sale.

Seeff
The De Hoop bucket list for 2018

The De Hoop bucket list for 2018

Your 2018 bucket list with 12 memorable things to do at De Hoop. An experience you will never forget!

De Hoop Collection
See All Articles