AfriForum koop "amptelike taal" en "moedertaal"¯ as verjaarsdaggeskenke

Gansbaai Courant

Die burgerregte-organisasie AfriForum het onlangs die woorde “amptelike taal” en “moedertaal” eksklusief aangekoop as deel van die Woordeboek van die Afrikaanse Taal (WAT) se fondswerwingsprojek, “Borg ‘n Woord”.

Hierdie spesifieke woorde is gekies om die 90ste herdenking van die aanvaarding van Afrikaans as amptelike taal in Suid-Afrika te vier. Volgens Alana Bailey, Adjunk Uitvoerende Hoof van AfriForum verantwoordelik vir taalkwessies, is dit ‘n voorreg om Afrikaans se prestasie as hoëfunksietaal asook die bydrae van die WAT - die kroonjuweel van Afrikaanse woordeboeke - op hierdie wyse te herdenk.

“Die bevordering en verskansing van Afrikaanse taalregte is 'n prioriteit vir AfriForum. Dit geld ook vir die uitbreiding en beskerming van moedertaalonderrig,” het Bailey gesê. “Die afgelope jaar het ons daarom onder meer die regsaak van taalaktivis Cerneels Lourens teen die staat oor die publikasie van landswette in al elf amptelike landstale finansieel ondersteun en ook die SLIM-veldtog geloods om jongmense aan te moedig om in hulle moedertaal te studeer,” aldus Bailey. SLIM staan vir ‘Studeer en Leer In jou Moedertaal’. AfriForum is bekommerd oor die druk wat van owerheidsweë op Afrikaans as amptelike taal en veral onderrigtaal uitgeoefen word.

“In die onlangse verlede het die minister van hoër onderwys en opleiding, dr. Blade Nzimande, onder meer verklaar dat hy 'n Afrikaanse tersiêre onderwysinstelling ‘sal toemaak’ - ‘n blatante miskenning van die feit dat só ‘n instelling iets is waarop Afrikaanssprekendes geregtig is. Die koop van woorde is ‘n prettige manier waarop die WAT finansieel ondersteun kan word, maar daar lê ook 'n dieper boodskap daaragter, naamlik dat ons ons moedertaal moet koester en ons taal se regte as amptelike taal moet opeis,” het Bailey verder gesê. Bailey moedig die publiek aan om ook by te dra tot die viering van die 90ste herdenkingsjaar van Afrikaans en terselfdertyd die WAT te ondersteun.

Die WAT dokumenteer die Afrikaanse woordeskat in sy wydste omvang en is die grootste projek ooit rondom Afrikaans. Dit benodig fondse om hierdie groot taak voort te sit en enigeen kan ‘n woord eksklusief vir R5,000, of indien nie eksklusief nie, vir so min as R100 borg.

Vir meer besonderhede en besonderhede om ‘n woord te borg, skakel die Buro van die WAT by 021-887-3113 of besoek die webtuiste www.wat.co.za

Media verklaring

Esmarie Prinsloo: Mediaskakeling Afriforum

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Grootbos wins WTM Responsible Tourism Award

Grootbos wins WTM Responsible Tourism Award

The past weekend saw the World Travel Market gather for the annual WTM Responsible Tourism Awards.

Marine Dynamics Receives Award at World Travel Market in London

Marine Dynamics Receives Award at World Travel Market in London

South Africa and Gansbaai remained in the spotlight at the World Travel Market London 2017.

Earning our colours, a quick guide to our age

Earning our colours, a quick guide to our age

This is a quick guide to assist you with African penguin age identification tips.

Build It Has a New Website!

Build It Has a New Website!

The Build It group has launched a new website!

Gansbaai Build It
Whale Watching Trip 01 November 2017

Whale Watching Trip 01 November 2017

Today was another picture perfect day on the ocean, with us having a wide variety of spectacular sightings…

Win R20 000 for the cause you support

Win R20 000 for the cause you support

MySchool MyVillage MyPlanet is celebrating 20 years of giving back and you could win R20 000 for the cause you support and a Woolies gift card for yourself!

See All Articles