Laerskool Gansbaai se o/12 Netbalspan het tydens ‘n titaniese stryd in die finale rondte van die Top Skole Netbal-toernooi teen Laerskool Hermanus, deurgedring na die Wes-Kaapproewe wat Saterdag, 11 Junie in Stellenbosch gespeel word.
Die Gansbaai-span, wat Donderdag, 24 Junie in die A-afdeling van die toernooi op Hermanus deelgeneem het, het hulle uitstekend van hulle taak gekwyt en hul afrigters, Jolette Bezuidenhout en Marlene Koekemoer is baie trots op hul spannetjie. In die eindstryd, het die twee spanne teen rustyd gelykop gestaan met 5 punte elk. Met Gansbaai op die aanval en die bal oppad na die ring, het die eindfluitjie geblaas.
Die bal het deur die ring gegaan, maar die doel het nie getel nie, met ‘n telling wat op daardie stadium op 10 elk gestaan het. Daar moes egter ‘n wenner wees en vyf minute ekstra tyd is aan elke kant toegestaan. Gansbaai het die druk fantasties hanteer en wen met 6-5.
