Blog

Hou hierdie Kerstyd jou oog op Jesus gevestig!

Hou hierdie Kerstyd jou oog op Jesus gevestig!

O.M.G.E.E. Bediening

“….en laat ons die wedloop wat vir ons voorlê, met volharding hardloop, die oog gevestig op Jesus, die Begin en Voleinder van die geloof.” (Heb 12:1-2)

Kan jy glo dis al weer daardie wonderlike tyd van die jaar! Kerstyd! Families wat kuier, vriende wat saam braai en kindertjies wat oral speel en lag. Jy hoef maar net deur die winkels te stap om herinner te word aan die feestyd. Wat is die lekkerste vir jou van hierdie tyd? Vir my is die lekkerste deel van Kersfees die heerlike borde kos wat ons eet… al daardie poedings en skaapboude! Tog wonder ek of ons nog steeds die ware Christusfees in gedagte het as ons aan Kersfees dink…

Hierdie week met huisbesoek vertel iemand my die volgende kosbare verhaal: ‘n Vrou kom by haar pastoor en vertel hom dat sy nie meer kerktoe gaan kom nie. Hy wou weet hoekom nie. Sy antwoord: “Ek sien te veel mense wat tydens die erediens met hulle selfone speel. Ander mense sit en rondkyk en party sit en praat. Dit pla my regtig en daarom gaan ek nie meer die eredienste bywoon nie.” Die pastoor sê sy kan gerus gaan maar eers moet sy met ‘n vol glas water twee maal om die kerk stap. “Ag, dis maklik, ek doen dit gou,” sê sy.

Toe sy ‘n rukkie later terugkom vra die pastoor haar of sy einige iemand gesien het wat op sy selfoon werk of besig is om te praat. “Nee,” sê sy. “ek was te besig om op die glas water te konsentreer.” Daarop antwoord die pastoor: “Wel, jy sien, as ‘n mens tydens die erediens jou aandag vestig op Jesus en op Hom konsentreer, maak dit nie saak wat die ander mense om jou doen nie. Jou aandag is by Hom.”

Ja, met ons oog gevestig op Jesus kan ons die mooiste feestyd ingaan. Mag ons hierdie Kerstyd ook meer konsentreer op wat Jesus vir ons hier op aarde kom doen het as om heeltyd te sit en kyk wat ander mense doen en sê. Kom ons onthou die liefde wat Hy ons kom leer het en begin om mekaar met meer liefde en deernis te behandel. Eerder as om ander te beskinder kan ons mooi dinge uitdink om van mekaar sê. Probeer regtig om die mooi in ander mense raak te sien. Dalk sal ons kinders ook leer wat dit beteken om alle mense met respek te behandel. Bid sommer nou daar dat Jesus jou hele hart oorneem en daar net strome van lewende water by jou mond uitvloei as jy praat. Toe man, vra dit sommer nou!

Ja, kom ons bid vir die ANC dat hulle die regte president sal kies om die land te regeer en dat elke inwoner van Suid-Afrika ander mense se lewe en besittings sal respekteer. Wanneer elkeen van ons met liefde en deernis optree teenoor ander mense mag die Heilige Gees ook hulle harte aanraak en dalk begin hulle om ‘n ware Christus-karakter te leef.

Rig jou oë hierdiue Kerstyd op Jesus en word jy die liefde van Jesus in ander mense se lewe!

Hou hierdie Kerstyd jou oog op Jesus gevestig!

O.M.G.E.E. Bediening

There’s a lot to be said in a name, and when Pastor Deon Kloppers first established the non-denominational O.M.G.E.E. (Ons Moet God Erken en Eer) Bediening, he did so with the knowledge that having a relationship with God allows you to have a relationship with people. The heart of this church beat...

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Gansbaai Wynproegilde - Arabella Wyne se Geurige Wyne

Gansbaai Wynproegilde - Arabella Wyne se Geurige Wyne

Gansbaai Wynproegilde se suksesverhaal het geen einde nie - die gilde groei van krag tot krag, met die een byeenkoms so gesellig soos die volgende een.

Gans-Berg Nuus / News
Local Press and Media Foundation Open Day Hosted on 4 April 2024

Local Press and Media Foundation Open Day Hosted on 4 April 2024

On 4 April 2024, we invited local press and media for an informative Open Day. 

Grootbos Foundation
Easter Bunny Visit at Herberg aan See

Easter Bunny Visit at Herberg aan See

The Easter Bunny delighted everyone at Herberg aan See during the recent Easter weekend.

Herberg aan See
Overcoming Mental Mountains: Embracing Life's Beauty

Overcoming Mental Mountains: Embracing Life's Beauty

Do you ever feel like life is a constant struggle? One step forward, two steps back, and you're exhausted before the week even starts?

Monthly Home Maintenance Tips

Monthly Home Maintenance Tips

Stay on top of home maintenance with these monthly tips.

Explore Duiwelsgat Hiking Trail near N०1 Harbour Way!

Explore Duiwelsgat Hiking Trail near N०1 Harbour Way!

If you love hiking, you're in luck! N०1 Harbour Way is conveniently close to the breathtaking Duiwelsgat Hiking Trail, leading to Walker Bay Nature Reserve.

N०1 Harbour Way
See All Articles