Tewaterlating van Samurai

Tewaterlating van Samurai

Gansbaai Courant

"Ek het twee groot drome vir myself gekoester. Die een was om 'n vlieglisensie te bekom en die tweede was om my eie groot boot te besit," vertel Louw Hugo, eienaar van Hugo Offshore Kelp Harvesting. "Met die tewaterlating van my eie boot, Samurai, is my tweede droom nou ook verwesentlik." Louw se spogboot, Samurai, is op Sondag, 9 Desember in Gansbaai hawe te water gelaat en sodoende is sy tweede groot droom binne die bestek van een jaar verwesentlik.

Skipper en eienaar Louw Hugo staan trots agter die stuur van sy boot, Samurai, nadat te water gelaat is

Samurai is 'n 12.5 meter volledig toegeruste T-Craft dubbelromp boot. Louw vertel dat slegs 'n kaal romp aanvanklik aangekoop is. Daarna het die beplanning en bou van die boot begin, wat binne die relatiewe kort bestek van een jaar afgehandel is. "Saam met my vriende en helpers was dit harde werk met vele sweet en duisende rande se kostes," vertel 'n trotse en dankbare Louw.

Louw Hugo saam met sy eggenote, Noelene en hulle 8-jarige dogtertjie, Monique voor Louw se boot, Samurai

Hy is met Noelene getroud en die egpaar het 'n 8-jarige dogterjie, Monique, wat altwee byna meer opgewonde as Louw is. Die sierraad van 'n boot is onder andere met 'n kombuis en toilet toegerus, asook slaapplek vir 6 mense, wat 'n dubbelbed insluit. Die kaste vertoon uiters netjies en die binnekante daarvan, asook die laaie, is netjies met 'n helderblou vilt, soos die blad van 'n snoekertafel, uitgeplak. Met verwysing na Louw se eerste droom, was die verwesentliking daarvan in 2008 met die verkryging van sy vlieglisensie om 'n RAF 2000 Gyrohelikopter te kan vlieg. Voorwaar twee groot drome wat verwesentlik is. Waar 'n wil is, is 'n weg!

Louw se nuwe maatskappy, Samurai Fishing Charters, maak onder andere vir die volgende met Samurai voorsiening: Tuna- en marlynhengel, kreeftrek, boothengel vir hengelaars, families en gesinne, sosiale seevaarte vir ontspanning en/of spesiale geleenthede soos byvoorbeeld verlowings, asook skemerkelk-, romantiese sonsondergang- en ander sosiale seevaarte. "Wat uniek gaan wees, is dat gesinne of belangstellendes net sal kan opklim en alle benodigdhede en toerusting sal verskaf word, wat by die prys ingesluit sal wees," vertel Louw.

Hy hou graag die volgende bedankings voor: Frank Rutzen vir die netjiese veselwerk, Jannie van CNC Sweis en Staal vir die netjiese vlekvrye staalwerk, Jacques Potgieter vir sy netjiese spreiwerk, Marius Schoeman vir al sy hulp en 'n baie goeie vriend van hom wat vir die netjiese kaste verantwoordelik was. "Dan ook baie dankie aan my vrou, Noelene vir al haar geduld en senuwees wat getap is!"

Vir enige navrae rakende toekomstige besprekings van Samurai-seevaarte of -hengelvaarte kan Louw Hugo by 082-698-2917 geskakel word, of stuur 'n epos aan hom by louw_hugo@yahoo.com.

Hardus Botha

Tewaterlating van Samurai

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Wake Up and Build It

Wake Up and Build It

Stop dreaming. Wake up and Build it.

Gansbaai Build It
The Secret Shark Wedding

The Secret Shark Wedding

The secret wedding at sea.  Jonathon asked Masha for her hand in marriage and as soon as she accepted, she was to be married. 

Grootbos wins WTM Responsible Tourism Award

Grootbos wins WTM Responsible Tourism Award

The past weekend saw the World Travel Market gather for the annual WTM Responsible Tourism Awards.

Marine Dynamics Receives Award at World Travel Market in London

Marine Dynamics Receives Award at World Travel Market in London

South Africa and Gansbaai remained in the spotlight at the World Travel Market London 2017.

Lucky Winner

Lucky Winner

Lindi Wessels liked & shared the OK Foods facebook page and was the lucky winner.

OK Foods Gansbaai
Earning our colours, a quick guide to our age

Earning our colours, a quick guide to our age

This is a quick guide to assist you with African penguin age identification tips.

See All Articles