Wes-Kaapse Premier Geniet Gansbaai - Premier Alan Winde
Die Wes-Kaapse Premier, Alan Winde, het sonder twyfel sy onlangse besoek aan Gansbaai terdeë geniet. Die besoek was deel van ‘n volledige toer deur die Overstrand en hy is deur Raadsdame Annelie Rabie, Overstrandse Burgemeester, Raadsdame Riana de Coning en verskeie ander hooggeplaasdes vergesel.
By die Gansbaai Farmers Market het die Premier baie tyd spandeer - spontane geselsies is met elke stalletjiehouer aangeknoop. Hy het homself selfs aan ‘n masseringsessie onderwerp - bykans 30 minute, met Logan Jordan Fitzgibbon wat seker gemaak het die Premier voel goed na die tyd. Premier Winde het ook by Gansbaai Toerisme ‘n draai gemaak, waarna hy by enkele besighede in die Great White Junction ingeloer het.
Premier Winde se spontaniteit en gesellige wyse van optrede, gesels en kuier, was ‘n toonbeeld van sy mense-mens karakter, weg van die politieke kalklig af.
Hardus Botha
