Ontvangsklerk Gesoek by Laerskool Gansbaai
Laerskool Gansbaai bied 'n opwindende geleentheid vir 'n dinamiese, energieke persoon om aansoek te doen vir die vakante pos van Ontvangsklerk vir ons beheerliggaam. Hier is die vereistes vir die pos:
• Graad 12/matriek is 'n vereiste
• Uitstekende rekenaarvaardighede
• Ervaring as admin of ontvangsklerk sal tot u voordeel strek
• Goeie kommunikasievaardighede in Engels en Afrikaans
• Geldige SAP-klaring
• Kennis van basiese noodhulp
Die sluitingsdatum vir aansoeke is Vrydag, 21 Junie 2024, 12:00. Die vakante pos is beskikbaar vanaf 15 Julie 2024.
Die pligte van die ontvangsklerk sal insluit:
• Ontvangs van besoekers/ouers
• Goeie telefoonetiket
• Kantooradministrasie
• Leerderafwesighede en vervoer
• Boekstoor en handboekbestellings
• Voorraadopnames
• Fotostaatmasjienadministrasie
• Datavaslegging op verskeie toepassings
• Gebruik van debiet- en kredietkaartmasjiene
Stuur asseblief u volledige CV en dekbrief met bewyse van u kwalifikasie(s) na die volgende e-posadres met die verwysing POSNO.08/2024: admin@gansies.co.za
Neem asseblief kennis dat slegs suksesvolle kandidate vir 'n onderhoud genooi sal word.
Kom maak deel uit van ons span by Laerskool Gansbaai!
