Jaarlikse Rolbal Besigheidsliga
Met 2025 wat reeds goed aan die gang is, is dit ook weer tyd vir die jaarlikse en gewilde Rolbal Besigheidsliga, aangebied deur Franskraal Rolbalklub. Die eerste wedstryd sou op Dinsdag, 14 Januarie 2025 plaasgevind het, maar weens omgekrapte weersomstandighede is dit na Donderdag, 16 Januarie 2025 verskuif.
“24 spanne het vanjaar ingeskryf, die meeste gedurende die afgelope 2 jaar,” vertel Johan Wiese van die rolbalklub. “Ons is baie dankbaar vir almal wat ingeskryf het en die eerste aand het in ‘n baie goeie gees afgeskop, met almal wat dit terdeë geniet het.”
Die deelnemende spanne speel elke Dinddagaand vir die volgende 6 Dinsdagaande. Die finale kompetisie tussen ons besighede sal op Dinsdag, 18 Februarie 2025 plaasvind.
Die 24 spanne wat op Donderdag, 16 Januarie 2025 vir die Rolbal Besigheidsliga ingeskryf het, is:
BAS Concrete Products, Birkenhead Bootklub A, Birkenhead Bootklub B, Braai Buddies, Build It A, Build It B, Burmar, Chas Everitt, Computer Hut A, Computer Hut B, Dynova, ERS, Gansbaai
Superspar, Gholfklub A, Gholfklub B, Hydraberg, Kleinbaai One Stop, Lomond Wines, Overberg Trussers, Overstrand Meubels, SAPD, Sizisa Ukhanyo Trading, Suidsee en Uilkraal Buurtwag.
Die Gans-Berg Nuus wens ons besigheids-rolbalspanne sterkte toe met die Rolbal Besigheidsliga - mag die beste span wen, maar deelname en die bou van onderlinge vriendskapsbande, is belangriker as wen!
Hardus Botha
