Blog

1ste verjaarsdag vir GGAP-projek

1ste verjaarsdag vir GGAP-projek

Gans-Berg Nuus / News

1ste verjaarsdag vir GGAP-projek

“Ons GGAP-projek (Gorgeous Gansbaai Arts Project), met ons Gawie Gansie logo, het op 12 April 2025 ons eerste verjaarsdag gevier,” vertel Laurette Nel. “Op Saterdag 19 April 2025 het ons die geleentheid saam met Seeff en Gansbaai Toerisme met 'n 'pop-up' markie en uitstalling, stalletjies en speletjies vir die kinders gevier.”

Gedurende die afgelope jaar het die op-en-wakker groep van GGAP 14 muurskilderye op besigheidsgeboue se mure geskilder om ons dorp te verfraai. 'n Paar lelike mure moes eers gepleister en geverf word, onder andere by Bed Shop en Lekker Bek. Foto-omhulsels is ook laat druk vir die planthouers in Hoofstraat. Grootbos het sementpotte, asook plante en bome aan GGAP geskenk. “Ons sê baie dankie vir Hennie Bothma en sy span, asook vir Grootbos vir die plante wat nog moet kom en in die leë potte geplant moet word,” sê Laurette. “Die lamppale in Hoofstraat het ook nuwe, vrolike kleure gekry.” Tans is die groep besig met nog nuwe muurskilderye in Hoofstraat, by Gansbaai Hawe, asook by die Great White House in Kleinbaai. Verbygangers kan gerus vir 'n oomblikkie daar stilstaan om dankie te sê en die dames aan te moedig!

Die GGAP-span het hulle opregte dank en waardering uitgespreek vir al die ondersteuning en donasies vir die verf, asook skenkings aan die kunstenaars wat hulle vanuit die gemeenskap ontvang. Hulle het reeds 'n vol program vir die jaar wat voorlê - skole, Masakhane en Blompark is ook betrokke.

“Dankie aan al die wonderlike 'Nasiebouers', soos ons ons ondersteuners noem, met die Gans-Berg Nuus ingesluit, wat ons ondersteun en bystaan met ons 'Mooimaak-projek' om ons dorp, Gansbaai, so pragtig te kan versier,” het Laurette haar onderhoud met die Gans-Berg Nuus afgesluit. Almal word bedank, maar wat van 'n Groot Dankie en 'Bravo' aan hierdie groep kunstenaars wat, vrywilliglik, soveel moeite (en harde werk in die son!) doen om van Gansbaai 'n prag-dorp te maak. Gaan loer gerus op GGAP se webtuiste hier.

Hardus Botha

1ste verjaarsdag vir GGAP-projek

Gans-Berg Nuus / News

Gans-Berg Nuus / News is a weekly bilingual community newspaper serving Gansbaai and the surrounding Overstrand areas. Alternating between Afrikaans and English on the front page, it provides current local news, municipal updates, business advertising, and general items of interest. Businesses and p...

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Empowering Entrepreneurs, One Step at a Time

Empowering Entrepreneurs, One Step at a Time

Last week, our 2025 Entrepreneurs started their journey with the Greenlight Movement.

Grootbos Foundation
From Student to Service Star

From Student to Service Star

Sindi Hodana, one of our Hospitality students, is pictured here making a cappuccino under the guidance of former student Amahle Nojiya.

Grootbos Foundation
Marine Dynamics crowned winner of the ATTA® Marine Impact Award

Marine Dynamics crowned winner of the ATTA® Marine Impact Award

Marine Dynamics Shark and Whale Tours has been honoured with the ATTA® Marine Impact Award...

Gans-Berg Nuus / News
When Fear Becomes Normal

When Fear Becomes Normal

When fear becomes your norm, it’s often because you’ve jumped ahead in your mind...

Meet Gogga - A Sweet 3-Year-Old Girl Looking for a Loving Home

Meet Gogga - A Sweet 3-Year-Old Girl Looking for a Loving Home

This gentle soul was recently signed over to BARC along with her puppies (who have all been adopted).

BARC Animal Welfare
Seamless Gutter Installation Done

Seamless Gutter Installation Done

Another installation done and dusted!

Gutters on Site
See All Articles