Seestrome 2015: Twee Kerssangdienste in November 2015 in NGK Gansbaai!

JEUG-KERSSANGDIENS:

Sondag 15 November het ons kinders onder leiding van die gesins- en jeugkommissie hulle eerste Kerssangdiens aangebied. Soos wafferse professionele  het hulle met behulp van ds. Willie Kotze, Hannes Cilliers, Pikkie Louw (orrelis), die kategete en hul ouers ‘n pragtige aand met sang en musiek geskep waar Jesus se geboorte ons harte warm aangeraak het.

Naas gemeentesang, was van die ander deelnemers: Laerskool Okkie Smuts se Marimba-orkes, Laerskool Gansbaai junior- en Interene Fase, NGK Gansbaai- koor, Kleine Gansies, Fiona Fourie, Monet van Deventer en Alissa Coetzee, met Conrad Geldenhuys as knap dataprojektor-en programaanbieder. Na afloop van die Kerssangdiens is daar gesellig in ‘n volgepakte Pretoriussaal saamgekuier en verversings geniet. Hulle verdien ’n staande applous!

JAARLIKSE KERSSANGDIENS:

Sondag 22 November . . . nog ‘n onvergeetlike Kerssangdiens. Die kerk was stampvol. Die liturg was, ds. Willie Kotze wat sy voorlesings hoofsaaklik op die Lukas Evangelie gebaseer het. Die orrelis was Annelene Reinke. Chris van Zyl, (kitaar), en Jack White (trompet). Die Blompark mannekoor (onder leiding van Annelie Botha), die VG-kerkkoor en die  NG-kerkkoor (onder leiding van Aletta Lochner) het die allermooiste sang gelewer.

Die kerk was pragtig versier met dank aan Hardus en Anita Botha, Marian van Rhyn, Marie de Jager, Hennie en Magda Swart, Leonie Botha, Marlene van Rooyen, Dawie en Amanda le Roux, Deon Rabe en helpers. Die koster, Marius le Roux, en kantoordames, Maritha Kriel en Wilna Swanevelder asook Maureen Voigt wat die dataprojektor en program met skyfies hanteer het. Almal teenwoordig en alle rolspelers is bedank vir die pragtige geleentheid en hul bygedra tot ‘n geestelike, Christusfees atmosfeer.

Tydens die sing van “Met Middernag” en “Stille Nag” het lidmate met brandende kerse in rooi houers na vore gestap, met die kore se lede wat soortgelyke kerse aangesteek het. Met die ligte wat afgeskakel is, is opgemerk hoe vele trane stilweg afgevee word. Ook na afloop van die diens is die aand gesellig in ‘n volgepakte Pretoriussaal afgesluit.

kersang1
kersang2
kersang3
kersang4