Beproef dit en proe

Beproef dit en proe

Wat beteken dit om “goed” te wees? In Psalm 34:9 staan daar: “Beproef dit en ervaar: Die Here is goed, gelukkig is die mens wat by Hom skuil.” Die NRSV se versindeling verskil, by vers 8 staan daar: “O taste and see that the Lord is good; happy are those who take refuge in him.”

Die Hebreeuse woord is tomu en dit beteken ‘proe’. Hoekom die 83 vertaling dit vertaal met “kom ondervind” en die Direkte Vertaling met “beproef” weet ek nie, maar “proe” is baie meer sintuiglik.

In die res van Psalm 34 het “goed” dan ook verskillende nuanses. In vers 11 het dit te make met voedsel en vers 13 dit wat jy geniet in die lewe. In vers 15 is die oproep dat die mens die “goeie” moet najaag.

Goed dui op iets wat ek ervaar en beleef. Goed is nie perfek nie, dit dui op ‘n ervaring om die objek van iemand se guns te wees, om vreugde te ervaar. G’n wonder dat baie tradisies God sien as “good, true and beautiful”.

Miskien kan alles wat ons proe ons herinner dat God goed is.

Lydenstyd