Het jy al jou cholesterol laat nagaan? Hoë vlakke van ’n spesifieke tipe cholesterol word met hartsiekte en beroerte geassosieer.
Cholesterol is ’n wasagtige, vetterige stof wat jou liggaam nodig het om behoorlik te funksioneer. Dit beweeg deur jou bloedstroom om die selle wat dit benodig, te bereik. Jou selle gebruik cholesterol vir talle belangrike funksies, soos om hormone te maak en vetterige kos te verteer. Te veel cholesterol in jou bloed kan egter ’n wasagtige aanpaksel (plaak) in die bloedvate veroorsaak. Hierdie plaak kan op die ou einde ontsteek en bars, en dit kan lei tot ’n klont. Indien ’n klont die bloedtoevoer in ’n arterie na die hart afsny, kan dit ’n hartaanval veroorsaak. Of, indien dit in die arterie in die brein gebeur, kan dit ’n beroerte veroorsaak.
Laedigtheid-lipoproteïene, of LDL’s, dra tot plaak by. LDL-cholesterol word soms “slegte” cholesterol genoem. Die algemeenste oorsaak van hoë LDL-cholesterol is ’n ongesonde leefstyl. Oormatige liggaamsvet en die inname van te veel dierevette word aan hoë vlakke LDL- cholesterol gekoppel. Hoë cholesterol kan ook deur die gene wat jy by jou ouers geërf het, ander mediese toestande en sekere medisyne veroorsaak word.
Vir sommige mense is leefstylveranderinge nie genoeg om LDL-cholesterol te verlaag nie. Jou biologiese samestelling kan ook ’n groot invloed op cholesterolaanpaksel hê. In hierdie geval is ’n middel bekend as statien die normale behandeling. Onthou dat hart-gesonde leefstylveranderinge nie net die cholesterol verlaag nie, maar ook baie langtermyn- gesondheidsvoordele inhou.
Kontak Gansbaai Pharmacy vandag vir meer inligting.
