Dekade : 2003 - 2013 : Pearly Beach se kerkie is 10 jaar oud

Dekade : 2003 - 2013 : Pearly Beach se kerkie is 10 jaar oud

NG Kerk Gansbaai

Gedurende 1991 is daar in Pearly Beach met eredienste om 11:00 op elke derde Sondag van die maand begin, wat mettertyd na twee dienste op die eerste en laaste Sondag van die maand uitgebrei het. Vanaf 1994 hou die Pearly Beachers ook kerkbasaar. Kerkdienste, basaars, vroue-diensaksies, ens, is in ‘n “huur”-saaltjie gehou.  Die behoefte aan ‘n eie kerkgebou het al sterker by Pearly Beach-lidmate geword.

In 2001, in ‘n Bybel-studie- en gebeds-groepbyeenkoms, word die lidmate gemotiveer en pak hulle die projek as ‘n geloofsdaad aan. (Bybelstudie-teksgedeelte was 1 Kronieke 29: 20, 21 en die opdrag waarop hulle reageer het was veral koning Dawid se gebed en die bou van die tempel.

Saterdag 14/6/2003 toe die kerk(saal) ingewy is, is alle lof en eer aan God gebring. Die inwyding was ’n trotse geleentheid.Tannie Annasie de Kock, toe die oudste lidmaat in Pearly Beach, het die voordeur plegtig oopgesluit. Verhale is vertel deur gemeentelede uit al die Gansbaai-streke, gereelde besoekers envakansie-”lidmate”, wat almal bygedra het en instrumenteel was in die oprig van die pragtige kerkgebou. Die akoestiek is goed en die eerste gemeentesang was ‘n ervaring!   Ds. Willie Kotze het ’n interessante oorsig gegee oor hoe die uitdra van die evangelie op Pearly Beach begin en ontwikkel het. Hy het genoem dat die eerste setlaars wat in ongeveer 1675 hier verbygetrek het, saans om hul kampvuur huisgodsdiens gehou het en later het die boere van die omgewing onder die melk-houtbome uitgekamp en in die aande saam aanbid en gesing.

Sondag 15/6/2003 was die klimaks van die inwydingsnaweek toe die saal stampvol met meer as 200 kerkgangers was en waartydens die eerste  nagmaal bedien is, met ’n gemeente-ete daarna. Almal was dit eens dat dit onverdiende genade van God was wat dit alles moontlik gemaak het.

In die afgelope tien jaar het die Pearly Beach-kerkie ’n trotse baken en middelpunt van hul gemeenteaktiwiteite geword.   Jaarliks hou Pearly Beach kerkbasaar op die Saterdag van Paasnaweek en dit is verstommend wat die relatief klein gemeenskap met sy vier wyke alles vermag.

Die Pearly Beach-vrouediens bestaan uit vrouelidmate wat slegs bewonder kan word vir dit wat hulle doen en reeds bereik het, want hulle is die spreekwoordelike “gom” wat heg en die kerk en God se koninkryk verkondig.

Die kerkdienste word ook deur persone van ander kerke bygewoon en ondersteun. Veral die Engelse deel van die gemeenskap is reeds sedert die 1990’s baie deelnemend.

Sondag 23 Junie 2013 het Pearly Beach se lidmate gesellig saamverkeer om die inwyding van hul kerksaal 10 jaar gelede op 14 Junie 2003, direk na die oggendiens te vier. Die viering sluit ook die inwyding van hul nuut-aangeboude stoep in.

Gebed: Mag God hierdie gemeenskap en dié kerkgebou van hulle ryklik seën tot sy eer en uitbreiding van sy koninkryk.

(Foto: Kerkraad in 2000)

Dekade : 2003 - 2013 : Pearly Beach se kerkie is 10 jaar oud

Seestrome redaksie

Die NG Gemeente bedien 'n gebied wat strek van De Kelders tot Pearly Beach en ook die plaasgebied Baardskeerdersbos. Die VG kerk word ook bedien.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

5 Reasons why sellers should avoid a private sale

5 Reasons why sellers should avoid a private sale

Why sellers should avoid a private sale.

Seeff Gansbaai
Serendipity - Villa The Cherry

Serendipity - Villa The Cherry

Do you wanna hear an incredible story? Let me tell you one.. This blog is about how The Cherry came into our live.

Villa The Cherry
Whale Viewing 2018: A Guide to Boat-based Whale Watching

Whale Viewing 2018: A Guide to Boat-based Whale Watching

The low, bellowing call of a lone Southern Right Whale echoes through the waters of Walker Bay.

Our gentle giants have returned!

Our gentle giants have returned!

W.e had our first official whale trip of the season and as we launched from Gansbaai harbour.

The Strandveld is where...

The Strandveld is where...

Photographic journey, why we love our region...

Top five reasons you need an Ubiquiti Unifi wireless access point

Top five reasons you need an Ubiquiti Unifi wireless access point

Ubiquiti’s Unifi wireless access points are the go-to tech item for any homeowner and business.

The Computer Hut
See All Articles