Diens van Barmhartigheid
Om elke dag gevoed, geklee en warm of koel en droog te wees is vir baie van ons ‘n gegewe en deel van ons daalikse bestaan. Ongelukkig is daar baie in ons gemeente en gemeenskap wat nie hierdie voorregte geniet nie en van ander afhanklik is om te help met hul daaglikse behoeftes, fisies en geestelik. Dit is hier waar die Bediening van Barmhartigheid hul nis gevind het en op ‘n dikwels ‘n byna onsigbare wyse poog om ‘n verskil in baie lewens te maak. Die bediening doen hul take onder leiding van Francia van Dyk.
Hierondervolg ‘n aantal projekte waarby die Bediening betrokke is:
1. Hulp aan Gansbaai Maatskaplike Diens (Badisa)
• Behulpsaam met insameling en verspreiding van goeie skoon en gebruikte klere. Gevriesde sop in 2liter roomysbakke, porsiegrootte bakkies gevriesde kos/bredies, gesmeerde brode om saam met sop te bedien vorm deel van die voedselverskaffing aan behoeftiges in die gemeenskap. Vrywilligers vanuit die gemeenskap lewer hier n onbaatsugtige diens om deurgans voedsel te voorsien.
• Hulp word verleen met insameling van fondse deur middel van pannekoekbak by die Vrydagmark,kerkdeurkollektes en blikkiesskud op strategiese plekke in die dorp.
• NGK verskaf die kantore aan Gansbaai Maatsaklike Diens gratis.
• Diens van Barmhartigheid borg die administratiewe pos.
2. Hulp aan ons gemeentelede
• Kospakkies. Word saamgestel uit bydraes van gemeentelede of deur aankope uit die NGK se Deernisfonds. Sunet Heyns behartig dit.
Die Deernisfonds word befonds uit kerkkollektes.
• Geldelike hulp net in oorleg met predikante en kerkraad in ernstige noodgevalle.
• Rousmart: Daar word beoog om in elke streek n persoon as deel van die Bediening te hê om bystand te gee aan naasbestaandes by sterfgevalle en veral na die tyd wanneer die leraars weer moet aanbeweeg. Hierdie is n moeilike taak. Daar word gepoog om ‘n geskikte afgetrede leraar in elke streek te kry om te help. (Sunet Heyns tans in beheer)
• Bejaardesorg: Word deur Annetjie van Zyl hanteer
Daar word gepoog om in elke streek n verteenwoordiger te hê wat spesiale aandag aan die bejaardes kan gee in daardie streek. Bietjie saam tee drink, dorp toe neem, inkopies gaan doen vir hulle, ensovoorts. Met ander woorde die alleenheid help verdryf.
Die Bediening is besig om n rugsteunstelsel op te bou waar ons mense kry om behulpsaam te wees om by een persoon betrokke te raak. Tipe van pleegsorg om bejaardes by te staan met meer gereelde etes, vervoer na dokters, winkels, ensovoorts. Uitry- etes voorsien nie nou meer genoeg nie. (Uitry-etes is vir eers gestaak)
Hulp aan gemeente/gemeenskaps lede is ‘n uitdagende, maar vervullende taak. Individue wat betrokke wil raak, skakel asseblief met Francia, selnr 082 551 3613 of die kerkkantoor. Hulp hoef nie op n deurlopende basis te wees nie. Elke bietjie sal help.
• Huppel-en-kruppelbussies: Sentefonds. Dit word gebruik vir die versorging van ons kinders, bejaardes en gestremdes. Blikkies kan by die kerkkantoor afgehaal word en wanneer vol, weer by die kerkkantoor afgegee word. Die datums waarop vol bussies se inhoud getel word, verskyn in die almanak.
3. Hulp aan straatwerk
Straatwerk word bygestaan deur die bymekaarmaak van koeldrank-,melkbottel en ander plastiekbotteldoppies. Hulle verkoop dit om fondse te in vir hulle behoeftes om die straatmense te help. Doppies kan by die Vrydagmark afgegee word. Onthou, elke bietjie help!
Dankie vir elkeen se hulp, bystand en ondersteuning!
