Baie geluk aan die volgende persone wat almal in Januarie verjaar:
T Dry en D Rossouw (8e), D vd Merwe (10e), B Olivier (14e), J Botha en A Roos (21e), P Lombaard (23e), S Swart (25e) en J Spandiel (30e).
Tydens die fees-tydperk het baie besoekers op die baan gespeel en almal was vol lof oor die toestand van die baan en veral die setperke. Baie dankie aan Joe Cesare en span: Sid, Cobus, Pascal en Welcome. Goeie werk kêrels, ons waardeer dit baie!
Uitslae: Weens die reën op 8 Januarie het die eerste Sloegters kompetisie op Donderdag 9 Januarie plaasgevind. Gemeet aan die tellings was die manne ernstig gewees.
Jan le Roux met 42 punte het gewen, gevolg deur George Hunt (38), Piet du Toit (37), Frikkie van Eeden en Daan Victor (36) en Bobby Brandt (35). Mooi so manne!
Vrydag 10 Januarie se Hoender kompetisie is gewen deur Nico Latsky met 22 punte, gevolg deur Jacques Nell, Solly Wessels en Sextus Neethling (20), Jannie Brandt en Andre Coetzee (18). Baie geluk!
Saterdag 11 Januarie se kompetisie is gewen deur Paul Dippenaar met 45 punte, gevolg deur Andre Roos (40), John Thompson en El Matthee (38), Jan le Roux en Jacques Nell (37), Dawie Viljoen, Solly Wessels en Rob Jerrard (36) en Dawie Rossouw (35). Baie geluk.
Saterdag 18 Januarie vind die eerste geborge dag van 2014 plaas. Koos Myburgh het bevestig dat die BAKGAT BRANDEWYN PARADYSFONTEIN kompetisie weereens sal plaasvind – Baie dankie Koos. Dit is ‘n Enkel Stableford formaat – skryf vroegtydig in by die gholf klub en kom speel gerus saam, daar gaan weer eens baie goeie pryse wees!
Jannie Brandt, Navrae: Gansbaai Gholfklub
028 384 1441 Andre of Leon
