Black Leaves beïndruk teen Hawston

Black Leaves beïndruk teen Hawston

Gansbaai Courant

Hawston, wat die oorheersende span in die onlangse rugbywedstryd teen Black Leaves was, moes “bloed-sweet” om uiteindelik met 27-22 te wen.

Black Leaves se aanvallende spel het vele geleenthede geskep om Hawston te laat rondskarrel, maar hulle rotsvaste verdediging het die deurslag gegee.

Hawston het die Baai deurentyd aangevat met hul meer dominerende voorspelers en sodoende Black Leaves se verdediging getroef om vir die druk van drieë deur te bars.

Met die Hawston-wedstryd het Black Leaves getoon dat hulle nou die regte “temperatuur” bereik het om vas te staan onder die druk van groot spanne.

Die afrigters, Gordon en Lalla, kan hieruit vertroue kry dat hul span met die oorblywende vyf wedstryde hul ondersteuners se harte warm sal laat klop, maar dan sal hulle moet uithaal en wys om hul voorsprong en tellings te handhaaf.

Hulle is nog nie ‘n “een onder kombers” span nie, met nog te veel veranderings, maar andersins ‘n goeie kombinasie.

Gogga (vleuel) het goed gedoen met sy twee pragdrieë en ‘n derde wat hy gemis het. Divvy se skopskoen het hom nie in die steek gelaat nie en hy palm twaalf punte in, maar hy het sy skopskoen te gou weggepak met twee mislukkings pale toe.

Gesien vanuit die uiteensetting van die dag se punte, moes Hawston stil wees, maar daar was ‘n eindfluitjie (Hawston eerste): 5-0, 5-3, 5-6, 5-11, 12-11, 17-11, 22-11, 22-14, 27-19 en 27-22.

Botrivier moet homself gereed maak vir Saterdag, 6 Augustus op Gansbaai se tuisveld. Bradwill, Triston en (Sampie, waar is jy?) kan nou stabiliteit terugbring.

Black Leaves se ander twee spanne trap behoorlik klei en verloor altwee hul wedstryde met 0-28, maar kan steeds terugdraai en sake verander.

Carlo Pieters in die tweede span as vleuel word as pure yster beskou en behoort eersdaags sy staal te wys. Kosie Davids kom ook nog gereeld heel anderkant uit en het sommer uitgehaal vir die dag se wedstryde.

Jesley en Jeremy Titus is ‘n lus vir die oog op die veld met hul dinamiese spelpatroon. Justus sal ook iets na die spel moet terugbring, waartoe hy wel in staat is.

Greg is nou besig om die kluts kwyt te raak en sal sy sokkies moet optrek, met Braampie wat ook nie ingee nie.

So sê Bra “G”

Black Leaves beïndruk teen Hawston

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Shark Update 22 October 2017

Shark Update 22 October 2017

With the recent "elusive" White Shark situation we were happy to have White sharks sightings for two consecutive days over the weekend...

Ladies Pizza-'n-Wine Evening

Ladies Pizza-'n-Wine Evening

Wednesday, 25 October 2017.

Pieta's Restaurant
New: Coffee in a cone

New: Coffee in a cone

The worlds most instagrammable coffee!

Tuscany Coffee Shop
African Penguin Awareness Day

African Penguin Awareness Day

Celebrating African Penguin Awareness Day.

Legal Snippets

Legal Snippets

FAILING TO DISCLOSE OR PUBLISH YOUR COMPANY'S STATUS ON CORRESPONDENCE AND ELECTRONIC COMMUNICATION.

Richards Attorneys
Bio-Curcumin Now Available

Bio-Curcumin Now Available

Bio-Curcumin now available at Tranquility Wellness Spa!

See All Articles