Met goeie aanvallende spel en twee vinnige drieë deur Rangers van Bredasdorp, het dit die Gansbaaiers so ‘n bietjie laat vashaak.
Alhoewel Rangers die Black Leaves met 36-28 geklop het, het die Baai weliswaar baie naby aan hul doel gekom.
Vier verdoelde drieë het darem ‘n bonuspunt aan die manne besorg. ‘n Bietjie swak oordeel hier en daar het ook bygedra dat die Baai nooit op die voorvoet kan kom nie en dit het Rangers behoorlik uitgebuit. Met Black Leaves se gebiedsvoordeel het Rangers foute afgedwing en die Baai gestraf daarvoor.
Black Leaves se kaptein, William Swart (Gollie) het anders besluit en begin drieë druk (2), Clayton Niemand (1) en Brenton-Lee Dickson (1), maar daar het dit opgehou.
Black Leaves trap ‘n bietjie klei in die skrums, andersins hak die manne die wind uit jou seile uit.
Met Black Leaves se goeie gekombineerde agterlyn kan jy die manne in enige posisie inspan.
Vir Rangers van Bredasdorp was hierdie wen van kardinale belang, want dit het hulle uit die rooi gelig. Minimum punte uit die orige drie wedstryde behoort die Baai te laat oorleef in die kompetisie, maar daar moet nog steeds hoë intensiteit gehandhaaf word.
Die uwe dink die blare kan eerskomende Saterdag, 20 Augustus in ‘n tuiswedstryd, suis in Atlantis van Hermanus se ore, want daar is ‘n appeltjie te skil met hulle op die veld.
Gaan kyk gerus na hierdie wedstryd.
Black Leaves se B-span probeer ook weer moedig, maar moes maar weer tevrede wees om met 3-16 te verloor danksy ‘n strafskop deur Steward Jacobs.
Black Leaves se C-span het die dag ook lekker afgeskop en behaal ‘n punt uit die wedstryd met ‘n 7-13 verloor.
David Vaaltyn (1 drie) en Koert – 1 doelskop. Greg moet net meer vaart en agressie by sy gewig sit dan kan daar meer drieë kom. Boeta Wessels (Oubol) het met elke bal tot sy beskikking die Rangers vreesloos aangevat en was goed onder die hoë afskopballe.
Kom manne en doen die regte ding Saterdag.
So sê BRA”G”
