9de Gholfdag vir Wynmakers

9de Gholfdag vir Wynmakers

Gansbaai Courant

Verskeie wynmakers, direkteure en administratiewe personeel vanuit die wynmakersgeledere het vanjaar hul 9de jaarlikse gholfdag op Kleinbaai se gholfbaan gehou.

Die groep Wynmakers na afloop van hulle jaarlikse Gholfdag, met die Bestuur 2de, 3de en 4de vlnr in die hurkende ry: Danie Marais, Olla Olivier en Altus le Roux

Hierdie jaarlikse instelling is aanvanklik deur Olla Olivier geïnisieer en die amptelike benaming van die "gholf-klub" is die Pirasien Classic Gholfklub. In die binnekringe van die wynbedryf spreek die naam "Pirasien" glo boek-dele, maar oor die inligting daaromtrent word "geswyg"! Wat van belang is, is dat dit jaarliks 'n baie gesellige dag is. Die meeste van die deelnemers vanuit die wynmakersgeledere het vakansie-huise in die omgewing en hulle beskou hierdie gholfdag as 'n baie spesiale dag. Die Bestuurspan wat vir die reëlings verantwoordelik is, is Olla Olivier van Clear Mountain, Danie Marais van Windmeul Wynkelder en Altus le Roux van Grotto Wyntoerusting.
Vanjaar was daar ietwat minder deelnemers, maar hulle was steeds 'n groot groep wat deelgeneem het.
Daar was 5 x 4 balspanne en 3 x 3 balspanne en hulle het vir 'n American Scramble ingeskryf. Etlike goeie pryse, wat nie te versmaai is nie, is gewen en elke deelnemer het heel tevrede met die vakansie voortgegaan.

Die hoogtepunt van die dag is die gesellige saamkuier en -eet na afloop van die spel.
Vanjaar se borge (alfabeties), was die volgende: Charl Terblanchè en Kobus Gerber van Distell, Gawie le Roux van Every Wine, George Smit van Wintrust, Gerhard Human van Bacchus vir die gholfhempies, JCR (Coenie) du Toit vir die die ete, Johan Conradie van Juvenal SA en Nehan Pretorius van Vinco vir hout-eetborde as pryse. "Dit was weer eens vir ons 'n gesellige dag en ons hartlike dank gaan aan Johan Coetzee en sy Bestuur van Gansbaai Gholfklub vir die jaarlikse gebruik van hulle gholfbaan," sê Olla.

Op 'n vraag aan die Wynmakers of hulle gholfspel op dieselfde standaard as die uitstekende wyne is wat deur hulle vervaardig word, moes die onderhoud-voerder tevrede wees met 'n heerlike gelag as antwoord.                    
Hardus Botha

9de Gholfdag vir Wynmakers

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

DIY: Glazing a Window

DIY: Glazing a Window

An errant ball, a hurled stone, or a falling branch is all it takes to end the life of a windowpane.

Gansbaai Build It
Pearly Beach Property: Houses and plots for sale

Pearly Beach Property: Houses and plots for sale

The area might be known as peaceful and quiet, but its tranquil aura is not to be mistaken for boring.

Pride Property™
Hou hierdie Kerstyd jou oog op Jesus gevestig!

Hou hierdie Kerstyd jou oog op Jesus gevestig!

Rig jou oog hierdie Kerstyd op Jesus.

O.M.G.E.E. Bediening
Perlemoenbaai houses and plots for sale

Perlemoenbaai houses and plots for sale

Perlemoenbaai in Gansbaai is considered to be the residential area with the best of both worlds when it comes to property investment.​

Pride Property™
Suksesvolle Kinderpartytjie

Suksesvolle Kinderpartytjie

S.H.A.R.E. reel elke jaar n partytjie vir al die minderbevooregte kinders in Gansbaai wat onder 10 jaar is.

S.H.A.R.E.
December Golf Competitions

December Golf Competitions

The dates for our Golf Competitions this December.

Gansbaai Golf Club
See All Articles