Splinters van hoop
In Lisburn in Noord Ierland is daar ‘n pragtige brandskilder venster in die Presbiteriaanse kerk. Die venster word “The Resurrection Window” genoem. Gaan soek gerus dit op die internet. Die oorspronklike vensters is te midde van die onrus in Noord Ierland deur ‘n bomontploffing opgeblaas. Die gemeente het egter besluit om nie na ‘n ander omgewing te trek nie. Inteendeel het hulle die splinters van die glasvensters gebruik om ‘n nuwe venster te skep wat hulle dan ook aan die opstanding verbind het. Hoop het baie dimensies. So kan ook ‘n kerk se dade van hoop spreek as omstandighede nie as verskoning aangebied word nie maar raakgesien word as geleenthede wat ook deur die Heilige Gees gebruik kan word vir ‘n nuwe manier van sien en wees. So word splinters, weggooistukke, afvalstukke, gebrokenheid die materiaal vir nuwe prag en hoop.
https://artandtheology.org/2016/05/02/bomb-shattered-glass-transformed-into-resurrection-window/
