Lydenstyd is die tyd van die herinnering van ons gebrokenheid maar ook die rus en soms herontdek van ons herstel in Christus. Jesus wat gekom het om te soek en te red wat verlore is. In Psalm 107: 20 staan daar: “Hy het sy Woord gestuur en hulle genees”. Hierdie lofwoord roep ‘n magdom van assosiasies op. God het aan die begin met ‘n Woord geskep uit niks. Jesus is die Woord wat mens geword het en onder ons kom woon het. God se Woord en woorde het altyd herstel ten doel, selfs die wat klink na oordeel. Mag ons woorde ook vandag vol genesing wees omdat ons gewortel is in die Woord wat gesterf en opgestaan het.
