Herberg-aan-See TehuisDie tehuis vir bejaardes in Gansbaai, Herberg-aan-See, is al vir baie jare deel van ons Gansbaai-gemeenskap. Herberg-aan-See is ‘n program van Badisa. ‘n Behoefte is by die tehuis identifiseer om die bestaande fasiliteite uit te brei, ver-al die aantal beskikbare beddens in die siekeboeg en die gepaardgaande fasiliteite. Beplanning is in volle swang. Die Bestuur en Beheerraad van Herberg-aan-See be-klemtoon dat die tehuis en die projek die totale gemeenskap se deelname vra. Dit is ‘n langsame proses, want behoeftes moet bepaal word, planne moet opgetrek en goedgekeur word (wat moontlike hersonering kan insluit) en fondse moet be-kom word. Daar is reeds begin met fondsinsamelings. Verskeie groepe en individue uit die gemeenskap asook die koor van die NGKerk is betrokke. Meer besonderhede behoort in 2020 beskikbaar te wees. Herberg-aan-See beloof dat vordering gerapporteer sal word. Navrae kan gerig word aan die die bestuur van Herberg-aan-See. John van Rooyen, tel. 028 3840501 |
