21 Dae 21 Psalms: Dag 5
1. As jy toegang het tot You Tube, kyk of jy die Taize lied “Bless the Lord my soul” kry, word rustig en luister daarna. Of enige ander musiek op CD ens, vir so 5 minute.
2. Fokus op elke liggaamsdeel afsonderlik en voel of jy kan agterkom waar jy spanning het. Haal diep asem en “stuur” jou asem daarheen.
3. Dank die Here vir enige vyf mense in jou lewe vanoggend.
4. Lees stadig, woord vir woord, deur Psalm 19.
5. Die eerste deel gaan oor die hemele/skepping wat getuig oor God se grootheid. Die tweede deel (vanaf vers 8) handel oor die woord/wet van die Here. Skryf al die woorde neer wat die wet/woord van die Here beskryf volgens die Psalm.
6. Kies een woord of frase van al die beskrywings en skryf dit oor in ‘n “vir/aan my” sin, bv “die bevele van die Here bring aan my blydskap” (vers 9).
7. Memoriseer hierdie frase wat jy neergeskryf het en herhaal dit ‘n paar keer deur die dag vir jouself.
8. Gaan slaap vanaand met die gebed in vers 15 “Mag wat ek sê en wat ek dink tog vir U aaneemlik wees, Here, my Rots en my Verlosser”.
[Direkte Vertaling:
9) Die opdragte van die Here is reg, dit maak die hart bly; die gebod van die Here is suiwer, dit verhelder die oë.
15) Laat die woorde van my mond, en die bepeinsing van my hart vir U aanvaarbaar wees, Here, my Rots en my Verlosser.]
