Pinksterboodskap 29 Mei 2020: Dag 5
Elke jaar neem ons tydens Pinkster kollekte op vir die Bybelgenootskap. Ons vra dat julle asb hierdie jaar weer oorweeg om hul te ondersteun met die 5 dae se kollekte wat jy sou kerk toe bring.
Die Bybelgenootskap van SA
ABSA Santyger
Rek nr: 550 220 288
Takkode: 632 005
Verwysing: Pinkster
DAG 5
1. Word stil op jou Pinksterplek. Roep jou dag in jou gedagtenis op (as dit nog oggend is, miskien die vorige dag). Vra die Heilige Gees om jou te help onderskei wat was dit wat rerig saak gemaak het in die dag, wat was regtig belangrik. Jy sal moontlik agterkom jy het energie en bekommernis gemors op iets wat eintlik nie saak maak nie. Erken dit en bid om wysheid vir die ure wat kom.
2. Luister na Ds Barend Vos se woordboodskap. Deel met iemand of skryf dit neer wat jy vandag hoor. Lees gerus weer Fillipense 1: 1-11. Hierdie is Paulus se brief uit die tronk aan sy goeie vriende in Fillipi. In die NRSV staan die mooiste woord in vers 11 wat hy skryf aan sy geliefdes oor God se liefde wat moet toeneem: “so that in the day of Christ you may be pure and blameless having produced the harvest of righteousness that comes through Jesus Christ for the glory and praise of God.” ‘n Oes wat God se Gees laat groei, ten spyte van ons.
3. Word stil met die volgende gedagte:
Die bekende skryfster Iris Murdoch skryf oor die wese en liefde van God:
“The point is, one will never get to the end of it, never get to the bottom of it, never, never, never. And never, never, never is what you must take for your shield and your most glorious promise”. Die nooit is die einde van God se liefde. G’n wonder dat Hadewijch, die Flaamse mistikus van die Middeleeue God as “afgront” van liefde beskryf het nie. Hierdie woord dui op “abyss”, ‘n diepte, ‘n bodemlose poel: “Die afgront daer si min in sende, die es dieper dan de zee”. Hierdie afgront is God se liefde maar ook ‘n maalstroom van God self. Ons word intiem ingetrek deur die Drie-Eenheid in die liefdesverhouding sonder grense. Die nooit, nooit, nooit.
4. In Engels is daar ‘n woord “entrenched”. Ek dink daaraan as iets soos: “hier sit ek nou, en ek beweeg nie”. ‘n “Trench” is tog ‘n loopgraaf. Hier maak ek my ammunisie en oortuigings bymekaar en ek vuur dit op enigiemand wat naby is. Ek weet wat ek weet en niemand gaan my anders laat dink nie. Ek dink nie daar is baie humor in ‘n loopgraaf nie. Dank God se Gees dat Hy ons ook uit hierdie loopgrawe kan tel en anders kan laat sien en dink.
5. Ons hou altyd Pinkstermaal so op die Vrydag van Pinkster. Ons mis mekaar vandag. Maak vandag tyd en bel almal wat jy mis en sommer ook die wat nie altyd eerste op jou bellysie is nie. Mag God se Gees aanhou om ons harte te verruim.
Fillipense 1
Die Gees voltooi die werk
God klou aan jou vas
Getrou aan wie Hy gekies
God se werk
Paulus lief vir fillipend
Onderskei
Wat was vandag rerig saak / van nut
God van Gees waai mure weg / entrenchemnet
Groef / graf
Maak ons anders
Geheimenis is anders word wat God laat gebeur in ons, medemens vind met vreugde wees.
Kliek op die skakel om na Dr Barend Vos se stemboodskap te luister.
