Plastiek - nóg 'n kusmoordenaar

Kus- en Mariene bewaringsbewustes in die wêreld verenig jaarliks op Internasionale Kusopruimingsdag om ‘n bydrae tot die voorkoming van mariene-uitwissing deur plastiekware af te skaal.

Vanjaar het die dag op 17 September 2016 geval. Inligting wat op hierdie wyse versamel word, word na ‘n nasionale- en internasionale databasis  gestuur. Vanjaar het ‘n paar groepe onder leiding van Gansbaai Toerisme en Dyer Island Conservation Trust (DICT) saamgestaan en op drie areas gefokus: Uilenkraalsmond by die brug op die R43, Gansbaai Karavaanpark (hawe-gebied) en Stanford’s Cove het deel uitgemaak van die plaaslike inisiatief.

DICT met die samewerking van die skolebewaringsgroep vanuit Masakhane, Deep Blue,  Internasionale vrywilligers, Overstrand Munisipaliteit en Gansbaai Toerisme het gesamentlik twee en twintig sakke vullis (115.9 kilogram) opgetel as hul bydrae om ‘n verskil in hierdie area se kuslyn te maak.

Die groepe het hoofsaaklik glas en plastiek in hierdie gebiede opgetel.

Dit kom as geen verrassing indien statistieke van sowat 5.25 triljoen plastiekitems in aanmerking geneem word  nie. Honderd-duisende mariene spesies vrek jaarliks as gevolg van plastiekitems en verstrikking – en hierdie getal berus net op diê spesies wat gevind word. Hieruit blyk dat minstens twee derdes van die wêreld se visvoorraad onder die inname van plastiek deurloop.

Raak betrokke

Die sleutelwoord hier is om die gebruik van plastiek vandag nog te staak.

Negentig persent van daaglikse menslike gebruik  bestaan uit kruidenierssakke, plastiekverpakkingsmateriaal, plastiekeetgerei, strooitjies en ander plastiekartikels, wat met herwinningsmateriaal vervang kan word. Elke enkele  poging tot die bewaring van ons omgewing, maak wel ‘n verskil.

Die  Deep Blue groep van Masakhane bring hul “vangs” om aangeteken te word. Van links glimlag Inge Mtonga, Mihlali Ndongeni, Devan Nevan (Overstrand Munisipaliteit) en Thina Ntsunte.
22 sakke kusvullis maak saak… Die groep wat hul Saterdagoggend afgestaan het om ons kusgebied op te ruim van afval,staan hier langs hul buit, moeg, maar tevrede.
Gansbaai_Courant_New