Kiekies neem seniors terug in tyd

Sentimentele huweliksfoto’s vanuit toeka se dae was die fokuspunt van die tema, Memory Lane, tydens ‘n Kersfunksie deur Gansbaai AGS-gemeente vir senior burgers.

Interessante foto’s is vir die ‘kompetisie’ ingeskryf en die hoofpryse is toegeken aan die Mees eksentrieke bruidsfoto, die Mees Sprankelende bruidspaar en die  Mees statige bruidspaar.

Individuele pryse is ook oorhandig aan die mooiste trourok, die aantreklikste man en die mooiste trouruiker.

Die funksie is deur past Beryll Coetzer gereël en het gepaard gegaan met lofsang, komiese vertellings oor die huwelik en sang deur Annelie Botha.

Die wenners in die onderskeie kategorieë was Connie du Preez, Mike en Elize Schröder, Pieter en Petro Marais, Victor en Marlene van der Westhuizen, Louw en Annelie Botha en Arnold en Mimi Farrell.

(Foto’s: Sonja Walker:  Captured Photography)

Die hardwerkende lidmate van Gansbaai AGS-gemeente tydens die funksie vir bejaardes, maar ook tydens vele ander funksies. Voor vlnr Willie van Straten en past Frikkie Zeelie. Agter vlnr Rachel Engelbrecht, Sonja van Straten, Lorraine Russel, Stella Swart, Minette Maree, Mariëtte Zeelie en past Beryll Coetzer.
Die wenners in die onderskeie afdelings van die ‘Memory Lane’ kompetisie tydens Gansbaai AGS-gemeente se funksie vir bejaardes. Vlnr Connie du Preez, Mike en Elize Schröder, Petro en Pieter Marais, Marlene en Victor van der Westhuizen, Annelie en Louw Botha en Mimi Farrell.
GansbaaiCourantNew