‘Karate Kids’ gradeer op

Gansbaai se Karate-Ka studente het vanjaar besonder goed gevaar tydens hulle gordel-gradering.

Die klub se afrigter, Sensei Ronnie Knott het gesê hy is baie tevrede met hulle vordering en prestasies.

Die elfde spankompetisie en gordelgradering van die Suid-Afrikaanse Japanse Karate Assosiasie (SA JKA Karate) is vanjaar aangebied.

Ronnie, wat oor die Graad Swartgordel vyfde Dan beskik, het reeds in 1973 met karate begin. Die SA JKA Karate is direk met die Japanese Karate Assosiasie (JKA) geaffilieer, wat as die grootste karate organisasie ter wêreld beskou word.

In Gansbaai is kinders vanaf die ouderdom ses jaar welkom om aan te sluit en hulle oefen elke Dinsdag in Gansbaai Toerisme se konferensiesaal van 14:30 tot 15:30.

Gansbaai se ‘Karate Kids’ van die Gansbaai Klub, Karate-Ka, tydens ‘n oefensessie in Gansbaai Toerisme se konferensiesaal. Heel agter regs, is die afrigter, Sensei Ronnie Knott.
Pa Dawie en sy seun Harley Botha met hul medaljes.  Dawie het twee eerste plekke verower en Harley ‘n eerste en derde plek.  Mikayla Herselman wat ‘n eerste en tweede plek verower het. Andre Geerts spog met sy eerste plek. Hanlo van Rensburg spog ook  met ‘n eerste plek. Lehem Friendly, ‘n regte ‘soldaatjie’, het ‘n eerste plek  ingepalm. Nina  wat tweede geëindig het, staan heel links op die podium,  met haar ewebeeld, Zoë wat ‘n eerste en derde plek verower het tydens die klub se gordel-gradering.
GansbaaiCourantNew