Ons Kaapse kinders weet hoe om hulself besig te hou en die see is hulle speelplek.
Werner van Zyl (14) en sy niggie, Ceara de Gouveia (16) van Bloubergstrand geniet hul somervakansie terdeë deur vroegoggend, wanneer die meeste mense nog slaap, te gaan tuna vang.
Wanneer die seisoendatums dit toelaat, gaan trek die ywerige jong man, wat ook ‘n junior WP-hengelaar is, kreef – en wat ‘n voorreg vir sy familie, want wat is nou lekkerder as die see wat blou voor jou lê, ‘n krefie op die kole en goeie wyn. Dít is waarvoor Gansbaai bekend staan en dít is hoekom toeriste jaarliks hierheen stroom – om hierdie heerlikhede te beleef!
Benut die heerlikheid van die kreefseisoen. Die seisoen is nog oop op die volgende datums: 31 Desember – asook 1 en 2 Januarie. Benut hierdie datums, want die volgende krewe mag eers weer op 15 en 16 April getrek word.
Meer inligting oor die kreef- en viswetgewing kan verkry word van Palesa Mokomele, Direkteur Kommunikasiedienste (Visserye) Departement Landbou, Bosbou en Visserye by tel 082 904 1908 of 021 402 3702.