Oujaarsvreugde by hengelklub

Oujaarsvreugde vir hengelaars en gaste het hoogty gevier tydens die Birkenhead Boothengelklub se Oujaarsdans Saterdag, 31 Desember 2016 in die klubsaal. Jan Lourens het met sy Musiekfabriek van vroeg af almal se voete laat jeuk en die dansbaan het vol gebly.

Kort voor middernag het Jan ‘n groot horlosie op die skerm vertoon wat vir die aftel (“count down”) van die minute tot in 2017 gesorg het. Daarna het selfs vreemdes mekaar omhels met goeie wense vir 2017.

Ralph Gibbs, die klub se kroegman, se Oujaarsvreugde het verdubbel toe aangekondig word dat hy die wenner van ‘n spesiale geskenkpak (“raffle”) is wat uitgeloot was. Die geskenkpak het onder andere ‘n bottel duursame Bells whisky bevat en druiwekorrels wat in witblits geweek is, asook ‘n boek wat deur ‘n klublid, Frank Wolmarans geskryf is. Theresa de Wet het die kaartjie getrek en die oorhandiging gedoen. 

Stella Swart, ‘n klublid en ‘n gas, mnr Smith, was op vrolike wyse gereed vir die aanbreek van 2017 om 12 uur Oujaarsaand.
Ralph Gibbs, die Birkenhead Boothengelklub se kroegman se Oujaarsvreugde het verdubbel met die wen van ‘n spesiale geskenkpak (“raffle”) wat deur Theresa de Wet aan hom oorhandig is.
GansbaaiCourantNew