Huizemark se deure nou oop

Huizemark Gansbaai stoot hul deure vandeesmaand oop in die Abelone-gebou, Hoofweg No 1.

Die span bestaan uit ‘n paar ou en nuwe Gansbaaiers wat hulle wil toespits op uitstekende kliëntediens vir die omgewing.

Met gekombineerde ondervinding van oor die 61 jaar is hulle gereed om waarde toe te voeg tot die eiendomsmark vir Gansbaai, Hermanus, Stanford, Baardskeerdersbos en Pearly Beach areas.

Sarel en Anna-Marie de Wet is in beheer van die Huizemarktak en is oorspronklik van Rustenburg.  Hulle het verlede jaar permanent kom vestig in De Kelders.  Dit is steeds vir hulle ‘n verrassing om te sien hoeveel ander mense vanuit Noordwes hulle permanent hier in die Overstrand kom vestig het, of gereeld hier vakansie hou.  Hulle loop gereeld bekende gesigte raak.

Nog ‘n bekende gesig in Gansbaai se gemeenskap is die van Ewald Langeveld wat by die Huizemarkspan aangesluit het as ‘n senior agent. 

Die ondervinding en kennis wat hy na die span bring  om as mentor vir nuwe agente op te tree, gaan beslis vrugte afwerp en verseker dat Huizemark se diens altyd professioneel gelewer word.

Internagente, naamlik Ronel de Bruyn, Kobus Laubscher en Andrea Snyman is honger vir die nuwe uitdaging en sien uit na kennis maak met almal wat eiendom wil koop of verkoop.

“Ons beplan om dinge effens anders te doen”, het Andrea, die span se woordvoerder, tydens ‘n onderhoud gesê.  “Ons gaan eienaars nie vra vir ‘n alleenmandaat nie, want ons gaan elke kliënt behandel of hy/sy ons enigste is en alles in ons vermoë doen om hulle eiendom te bemark. Gesonde kompetisie, maar ook goeie samewerking met ander agente sal verseker dat alle rolspelers gelukkig van die tafel af wegstap.   Ons is daarop gefokus om met almal verhoudings op te bou, wat in almal se guns sal tel.”

Huizemark nooi almal uit om hulle te skakel.  U is ook welkom om die kantoor te besoek indien hulle van enige hulp kan wees met die koop of verkoop van eiendom.

Die Huizemark-span is voor van links:  Ewald Langeveld en die prinsipaal-egpaar Anna-Marie en Sarel de Wet. Agter:  Ronél de Bruyn, Kobus Laubscher, Andrea Snyman en Michelle Rossouw.  Huizemark is al vir ‘n geruime tyd werksaam in die omgewing, maar stoot vandeesmaand hul kantoordeure oop in die Abelone-gebou.
GansbaaiCourantNew